બ્રિટનના PM બોરિસ જૉનસનને કોરોના વાયરસના સંક્રમણની પુષ્ટિ થયાના 10 દિવસ બાદ કોરોના સંબંધિત તપાસ માટે હોસ્પિટલમાં એડમિટ કરવામાં આવ્યા છે. મળતી માહિતી મુજબ જૉનસનમાં કોરોના વાયરસના લક્ષણ હાલમાં પણ જોવા મળી રહ્યા છે.
બ્રિટનના PMને કરાયા એડમિટ
જોવા મળ્યા કોરોનાના લક્ષણો
કોરોનાની તપાસ માટે બ્રિટન PM બોરિસ જૉનસન થયા એડમિટ
જહોનસનને ડૉક્ટરની સલાહ પર સાવચેતીરૂપે હોસ્પિટલમાં દાખલ કરવામાં આવ્યા છે. પ્રવક્તાએ કહ્યું, 'વડા પ્રધાનના ડૉક્ટરની સલાહના આધારે આજે તેમને તપાસવામાં આવશે. તેમને રાત્રે હોસ્પિટલમાં દાખલ કરવામાં આવ્યા છે. આ એક સાવચેતી પગલું છે. કારણ કે વડા પ્રધાન ચેપની પુષ્ટિ થયાના 10 દિવસ પછી પણ તેમનામાં લક્ષણો દેખાય છે.
— Boris Johnson #StayHomeSaveLives (@BorisJohnson) April 2, 2020
પ્રધાનમંત્રીએ કરી એનએચએસ સ્ટાફની પ્રશંસા
પ્રધાનમંત્રીએ એનએચએસ સ્ટાફની મહેનતને માટે તેમની પ્રશંસા કરી છે અને લોકોને ઘરમાં રહેવાની સલાહનું પાલન કરતા રહેવા કહ્યું છે. એનએચએસને સંરક્ષિત રાખવા અને જિંદગીઓ બચાવવાની પણ અપીલ કરી છે.
જૉનસન રહેશે ક્વૉરન્ટાઈનમાં
જૉનસને શુક્રવારે સોશ્યલ મીડિયાની મદદથી કહ્યું કે તેઓએ પોતાને ક્વૉરન્ટાઈનમાં રાખવાનો નિર્ણય લીધો છે. છેલ્લા અઠવાડિયે સંક્રમણનો ખ્યાલ આવ્યા બાદ 7 દિવસ ક્વોરન્ટાઈનમાં રહ્યા, પણ હજુ પણ તાવ રહેવાના કારણે કોરોનોના લક્ષણને આધારે તેઓએ ક્વૉરન્ટાઈનમાં રહેવું પડશે.
ટ્રમ્પે ઝડપથી સાજા થવા માટે કરી કામના
અમેરિકાના રાષ્ટ્રપતિએ જૉનસનના ઝડપથી સાજા થવાની કામના કરી છે. તેઓએ કહ્યું કે હું દેશવાસીઓ તરફથી કામના કરું છું કે જે વાયરસથી તેઓ પોતે લડી રહ્યા છે. અમે તેમના સારા સ્વાસ્થ્યની કામના કરીએ છીએ. ટ્રમ્પે કહ્યું કે તે મારા સારા મિત્ર છે અને એક સારા નેતા પણ. હાલમાં તેઓ હોસ્પિટલમાં છે પણ મને વિશ્વાસ છે કે તેઓ ઝડપથી સાજા થઈ જશે. તેઓ મજબૂત વ્યક્તિ છે.