જો અને તો! / તો બ્રિટનના નવા PM બનશે ભારતીય મૂળના ઋષિ, જોનસનને આપવું પડશે રાજીનામું

• બ્રિટનના PM આપી શકે છે રાજીનામું 
• લોકડાઉન વખતે બોરિસ જોનસન પાર્ટી કરી રહ્યા હતા 
• ભારતીય મૂળના ઋષિ સુનક નવા વડાપ્રધાન બને તેવી શક્યતા  

બ્રિટનના PM બોરિસ જોનસનને રાજીનામું આપવું પડે તેવી પરિસ્થિતિનું નિર્માણ થઈ ગયું છે. બ્રિટિશ પીએમ બોરિસ જોનસન પર કોરોના રોગચાળાને કાબૂમાં લેવામાં નિષ્ફળ રહેવા અને કોવિડ પ્રોટોકોલનું ઉલ્લંઘન કરીને તેમના નિવાસસ્થાન 10 ડાઉનિંગ સ્ટ્રીટના ગાર્ડનમાં પાર્ટી કરવાનો આરોપ છે. આવી સ્થિતિમાં બ્રિટનની સટ્ટાબાજી કંપની બેટફેરે દાવો કર્યો છે કે વધતા દબાણને કારણે જોનસન ટૂંક સમયમાં રાજીનામું આપી શકે છે અને ભારતીય નાણામંત્રી ઋષિ સુનક તેમનું સ્થાન લઈ શકે છે.

સૂત્રોના જણાવ્યા અનુસાર, માત્ર વિપક્ષી પાર્ટીઓ જ નહીં પરંતુ તેની પોતાની કન્ઝર્વેટિવ પાર્ટી પણ જોહ્ન્સન પર રાજીનામું આપવા દબાણ કરી રહી છે કારણ કે કે તેઓ મે 2020 માં બ્રિટનમાં COVID-19 લોકડાઉન દરમિયાન વડા પ્રધાનની ઑફિસ ડાઉનિંગ સ્ટ્રીટમાં ડ્રિંક પાર્ટી કરી રહ્યા હતા. 

જ્યારથી આ ઘટના માટે બોરિસે પોતે માફી માંગી છે ત્યારથી મામલો વધારે ગરમાયો છે. 

રિશી સુનક બ્રિટિશ પીએમ બનવાની શક્યતા
બેટફેરના સેમ રોસબોટમના જણાવ્યા અનુસાર, જો જ્હોન્સન પદ છોડશે તો રિશી સુનક બ્રિટિશ પીએમ બનવાની શક્યતા વધારે છે. પીએમ પદની રેસમાં વિદેશ મંત્રી લિઝ ટ્રસ અને તત્કાલીન કેબિનેટ મંત્રી માઈકલ ગોવનું નામ છે. જો કે પૂર્વ વિદેશ મંત્રી જેરેમી હંટ, ભારતીય મૂળના ગૃહ મંત્રી પ્રીતિ પટેલ, સ્વાસ્થ્ય મંત્રી સાજિદ જાવિદ અને કેબિનેટ મંત્રી ઓલિવર ડોડેન પણ પીએમ પદની રેસમાં છે.

2020 માં, વડા પ્રધાન બોરિસ જ્હોન્સનના મુખ્ય ખાનગી સચિવ માર્ટિન રેનોલ્ડ્સે ડાઉનિંગ સ્ટ્રીટમાં યોજાયેલી પાર્ટી માટે ઘણા લોકોને આમંત્રણ મોકલ્યા હતા. તે સમયે, દેશમાં કોવિડ -19 ના ફેલાવાને રોકવા માટે જાહેર મેળાવડા પર પ્રતિબંધ મૂકવામાં આવ્યો હતો.

જ્હોન્સને દિલગીરી વ્યક્ત કરી
જ્હોન્સનને હવે આ બાબતે પસ્તાવો થયો છે અને તેમણે પહેલીવાર સ્વીકાર્યું છે કે તેઓ પાર્ટીમાં ગયા હતા. આ પાર્ટીનું કાર્ડ જ્યાંથી મીડિયામાં ફરતું થયું ત્યારથી જ્હોન્સન વિપક્ષી લેબર પાર્ટી તેમજ તેની પોતાની કન્ઝર્વેટિવ પાર્ટીના સભ્યો દ્વારા ભારે દબાણ હેઠળ છે.

વડાપ્રધાનના સાપ્તાહિક પ્રશ્નોત્તરી સત્ર પહેલા સંસદના નીચલા ગૃહ હાઉસ ઓફ કોમન્સમાં પોતાના નિવેદનમાં જોન્સને કહ્યું, "હું માફી માંગવા માંગુ છું, હું જાણું છું કે આ દેશના લાખો લોકોએ છેલ્લા 18 મહિનામાં અસાધારણ બલિદાન આપ્યા છે."

ભૂલ માટે જવાબદારી પણ લીધી 

સાથે તેમણે કહ્યું હતું કે "હું જાણું છું કે તેઓ મારા અને મારા નેતૃત્વવાળી સરકાર વિશે શું અનુભવે છે," તેમણે ઉમેર્યું હતું કે, ''જ્યારે તેઓ વિચારે છે કે જે લોકો નિયમો બનાવે છે તેઓ પોતે ડાઉનિંગ સ્ટ્રીટમાં નિયમોનું યોગ્ય રીતે પાલન નથી કરી રહ્યા. પરંતુ હું સારી રીતે સમજું છું કે અમે અમુક બાબતોને યોગ્ય રીતે લીધી નથી અને મારે જવાબદારી લેવી જોઈએ.