રાજકીય સંકટ / ...તો ભારતીય મૂળના ઋષિ સુનક બની શકે છે UKના PM, બોરિસ જૉનસનની ખુરશી થઈ ડામાડોળ, જાણો કેમ

• બ્રિટેનની બોરિસ જોનસન સરકાર પર સંકટ
• ગત રોજ નાણામંત્રી અને સ્વાસ્થય સચિવે રાજીનામા આપ્યા
• પાર્ટીની અંદર દુશ્મીની જોનસન માટે ભારે પડી શકે છે 

બ્રિટેનમાં બોરિસ જોનસનની સરકાર હાલમાં મુશ્કેલ સમયમાંથી પસાર થઈ રહી છે. મંગળવાર રાતે બ્રિટેનના નાણામંત્રી ઋષિ સુનક અને સ્વાસ્થ્ય સચિવ સાજિદ જાવિદે રાજીનામું આપી દીધું છે. બંનેને પીએમ જોનસને ખાસ નજીકના મનાય છે. ત્યાર બાદ પહેલાથી વિવાદોમાં ઘેરાયેલા બ્રિટિશ પીએમ બોરિસ જોનસનના પદ છોડવા પર પણ પ્રેશર વધી રહ્યું છે. ત્યારે આવા સમયે સવાલ એ છે કે, શું આવનારા દિવસોમાં બોરિસ જોનસનને પણ પદ છોડવું પડશે, તો શું ઋષિ સુનક તેમની જગ્યા લેશે ? 

આમ તો આ બંને મંત્રીઓ હટ્યા બાદ જોનસને તાત્કાલિક નાદિમ જાહવીને નવા નાણામંત્રી બનાવી દીધા છે. તો વળી બ્રિટિશ કેબિનેટના ચીફ ઓફ સ્ટાફ સ્ટીવ બાર્સલેને સ્વાસ્થ્ય સચિવની જવાબદારી સોંપવામાં આવી છે. તો આવો જાણીએ બોરિસનને જો રાજીનામુ આપવું પડે તો કોણ બ્રિટેનના નવા પ્રધાનમંત્રી બની શકે છે. તેમાં ક્યા નામો સૌથી આગળ છે. 

લિઝ ટ્રૂઝ

બ્રિટેનના વિદેશ મંત્રી લિઝ ટ્રુઝ કંઝર્વેટિવ પાર્ટીના એ નેતા છે, જેમણે જમીની સ્તર પર લોકો ખાસ્સા પસંદ કરે છે. વેબસાઈટ કંઝર્વેટિવ હોમ દ્વારા કરવામાં આવેલ પાર્ટી સભ્યોની ચૂંટણીમાં તે હંમેશા ટોપ પર રહે છે. ટ્રુસ ધીમે ધીમે પોતાની છબી બદલી રહ્યા છે અને લોકોની વચ્ચે ફેમસ થઈ રહ્યા છે. ગત વર્ષે ટેંકમાં ખેંચાવેલ એક ફોટો વાયરલ થયો હતો. આ તસ્વીર બ્રિટેનની પ્રથમ મહિલા પ્રધાનમંત્રી માર્ગારેટ થેરની ટેંકમાં લેવામાં આવી હતી. 46 વર્ષિય ટ્રુસે જોનસન સરકારના શરૂઆત બે વર્ષઓમાં આંતરરાષ્ટ્રીય વેપાર સચિવ તરીકે કામ કર્યું છે. તેમણે બ્રેગ્ઝિટનું સમર્થન કર્યું અને ગત વર્ષે તેમને યુરોપિયન યુનિયન સાથે વાત કરવા માટે દેશના મુખ્ય વાર્તાકાર તરીકે નિયુક્ત કરવામાં આવ્યા હતા. 

ઋષિ સુનક

પ્રેશરની વચ્ચે બ્રિટિશ મડિયા કહી રહ્યું છે કે, જો બોરિસ પદ છોડશે તો તેમની જગ્યાએ ભારતીય ઉદ્યોગપતિ નારાયણ મૂર્તિના જમાઈ અને બ્રિટેનના નાણામંત્રી ઋષિ સુનક દેશના પીએમ બની શકે છે. સુનકે મંગળવારે જ નાણામંત્રી પદેથી રાજીનામું આપ્યું છે. જોનસન જો પીએમ પદેથી હટી જાય તો, ઋષિ આ રેસમાં સૌથી આગળ છે. વરિષ્ઠ સિવિલ સેવક સૂ ગ્રે વર્તમાનમાં ડાઉનિંગ સ્ટ્રીટ સહિત સરકારી ક્વાર્ટરમાં અંદર કથિત લોકડાઉન ઉલ્લંઘનોની તપાસ કરી રહ્યું છે. હાલમાં જ આવા પ્રકારની ઘટનાઓ વિશે કેટલાય ખુલાસાઓ થયા હતા. જેને જોનસને પોતાની ઓફિસ પરિસરની અંદર કામની ઘટનાઓને રૂપ આપીને યોગ્ય ઠેરવવાની કોશિશ કરી હતી. 

જેરેમી હંટ

55 વર્ષિય પૂર્વ વિદેશ મંત્રી જેરેમી હંટનું નામ પણ પ્રધાનમંત્રી બનવાની રેસમાં છે. 2019માં કંઝર્વેટિવ પાર્ટીના લોકપ્રિય નેતાઓના વોટિંગમાં તેઓ જોનસન બાદ બીજા નંબર પર હતા. માનવામા આવી રહ્યું હતું કે, બોરિસ જોનસને ઉથલ પાથલ ભર્યા કાર્યકાળ બાદ જો હંટના હાથમાં સત્તાની કમાન આવશે, તો તેઓ ખૂબ જ ગંભીરતા સાથે નેતૃત્વ કરી શકશે.

વેન વોલેસ

52 વર્ષિય રક્ષા મંત્રી વેન વોલેસ હાલના દિવસોમાં બ્રિટેનના રાજકારણમાં ઊભરીને આવેલું નામ બની ચુક્યા છે. કંઝર્વેટિવ પાર્ટીમાં પણ તેમનું વર્ચસ્વ સારુ એવું છે. યુક્રેન સંકટમાં બ્રિટેન તરફથી મદદને તેઓ જ હેંડલ કરી રહ્યા હતા. વોલેસ ખુદ એક સૈનિક રહી ચુક્યા છે. તેમણે નાર્દન આયર્લેન્ડમાં સેવા આપી છે. તેના માટે તેઓ જર્મની, સાઈપ્રસ, સેન્ટ્રલ અમેરિકામાં પણ તૈનાત રહી ચુક્યા છે. 

નદીમ જહાવી

નદીમ જહાવી હાલમાં બ્રિટેનના શિક્ષણમંત્રી અને સ્વાસ્થ્ય સચિવ છે. કોવિડ વેક્સિનેશન દરમિયાન તેમણે વેક્સિન મંત્રી પણ કહેવાતા હતા. તેમની નીતિઓના કારાણે બ્રિટેનમાં સૌથી ઝડપી વેક્સિનેશન પ્રોસેસ થઈ . જહાવી ઈરાકમાંથી એક શરણાર્થી તરીકે બ્રિટેનમાં આવ્યા હતા. તેમણે એક પોલિંગ કંપની YouGovની સ્થાપના કરી હતી. તેમણે 2010માં સંસદમાં એન્ટ્રી મારી. ગત અઠવાડીયએ જ તેમણે કહ્યું હતું કે, દેશના પ્રધાનમંત્રી બનીને સન્માનિત અનુભવી રહ્યો છું.

પૈની મૉર્ડેંટ

પૂર્વ રક્ષામંત્રી પૈની મોર્ડેંટ પણ પીએમની રેસમાં છે. જોનસન પીએમ બન્યા બાદ મોર્ડેટને રક્ષામંત્રી પદેથી હટાવામાં આવ્યા હતા. કારણ કે તેમણે પીએમ માટે જેરેમી હંટનું સમર્થન કર્યું હતું. મોર્ડેંટ યુરોપિય યુનિયનને છોડવાના સમર્થન રહ્યા છે. હાલમાં તેઓ જૂનિયર ટ્રેડ મિનિસ્ટર છે. 

બ્રિટિશન પ્રધાનમંત્રી બોરિસ જોનસનની પ્રીમિયર કેબિનેટના વરિષ્ઠ સભ્યોના રાજીનામા બાદ એવું કહેવાય છે કે, તેઓ શાસન કરવા માટે યોગ્ય નથી. જ્યારે જોનસન લાંબા સમયથી પાર્ટીની અંદર ચાલી રહેલી દુશ્મનીનો સામનો કરી રહ્યા છે. તેમના પ્રધાનમંત્રી પદ માટે ગંભીર ઝટકો નાણામંત્રી ઋષિ સુનક અને સ્વાસ્થ્ય સચિવ સાજિદ જાવિદના રાજીનામાથી આવ્યો છે.