રાજકીય સંકટ / બ્રિટિશ પીએમ બોરિસ જોનસનની ખુરશી ખતરામાં, છેલ્લા 24 કલાકમાં 4 મંત્રીઓએ આપ્યા રાજીનામા

• બ્રિટેનમાં રાજકીય સંકટ આવ્યું
• પીએમ બોરિસ જોનસનની ખુરશી ખતરામાં
• છેલ્લા 24 કલાકમાં ચાર મંત્રીઓએ આપ્યા રાજીનામા

બ્રિટેનના પીએમ બોરિસ જોનસનની પાર્ટી કંઝર્વેટિવને મોટો ઝટકો લાગ્યો છે. બ્રિટિશ સાંસદ લૌરા ટ્રોટે બુધવારે પરિવહન વિભાગના સંસંદીય સચિવ પદેથી રાજીનામુ આપી દીધું છે. સાંસદ ટ્રોટે એક ફેસબુક પોસ્ટ દ્વારા પોતાના રાજીનામાની જાહેરાત કરી હતી. તેમણે કહ્યું કે, રાજનીતિમાં વિશ્વાસ સૌથી મહત્વની બાબત છે અને હંમેશા રહેવો જોઈએ. પણ દુ:ખની વાત છે કે, હાલના મહિનામાં તે ખોવાઈ ગયો છે.  

અત્યાર સુધીમાં ચાર મંત્રીઓએ આપ્યા રાજીનામા

હકીકતમાં જોઈએ તો, બ્રિટિશ સરકારમાં અત્યાર સુધીમાં ચાર મંત્રીઓએ રાજીનામા આપી દીધી છે. ચિલ્ડ્રન એન્ડ ફેમિલી મિનિસ્ટર વિલ ક્વિંસે બુધવારે એવું કહીને રાજીનામું આપી દીધું કે, પ્રધાનમંત્રી પાછલા મુખ્ય સચેતક વિરુદ્ધ લગાવમાં આવેલા વિશિષ્ટ આરોપથી માહિતગાર નહોતા. આ અગાઉ બ્રિટેનના નાણામંત્રી ઋષિ સનક અને સ્વાસ્થ્ય સચિવ સાજિદ જાવિદે મંગળવારે રાજીનામા આપ્યા હતા. જેમાં બ્રિટિશ પીએમ બોરિસ જોનસનની સરકાર સંકટમાં આવી ગઈ છે. પોતાના રાજીનામામાં ઋષિ સનકે કહ્યુ કે, તે સરકાર છોડવાથી દુ:ખી છે. એટલા માટે તેઓ એવા તારણ પર આવ્યા છે કે, હવે આગળ નહીં ચાલે.

આમ તો આ બંને મંત્રીઓ હટ્યા બાદ જોનસને તાત્કાલિક નાદિમ જાહવીને નવા નાણામંત્રી બનાવી દીધા છે. તો વળી બ્રિટિશ કેબિનેટના ચીફ ઓફ સ્ટાફ સ્ટીવ બાર્સલેને સ્વાસ્થ્ય સચિવની જવાબદારી સોંપવામાં આવી છે. તો આવો જાણીએ બોરિસનને જો રાજીનામુ આપવું પડે તો કોણ બ્રિટેનના નવા પ્રધાનમંત્રી બની શકે છે. તેમાં ક્યા નામો સૌથી આગળ છે. 

આ પદો પર થઈ ગઈ નિમણૂંક

આપને જણાવી દઈએ કે, યુકે કેબિનેટના ચીફ ઓફ સ્ટાફ સ્ટીવ બાર્કલે નવા સ્વાસ્થ્ય સચિવ તરીકે નિમણૂંક કરવામાં આવ્યા છે. આ તમામની વચ્ચે યુકેના શિક્ષણ સચિવ નાદિમ જાહાવીને નવા નાણામંત્રી બનાવામાં આવ્યા છે. આ અગાઉ બ્રિટિશ પીએમે કહ્યું હતું કે, તેમને પોતાના વિરુદ્ધની ફરિયાદના ખુલાસા બાદ નાયબ મુખ્ય સચેતક તરીકે પિંચરને સરકારી ભૂમિકા આપવાનો અફસોસ છે. તેમણે કહ્યું કે, આખરે આવું કરવું ખોટુ છે અને હું આ તમામ પાસે માફી માગુ છું, જે આનાથી ખરાબ રીતે પ્રભાવી થયા છે. હું બિલ્કુલ સ્પષ્ટ કરવા માગુ છું કે, આ સરકારમાં કોઈના પણ માટે કોઈ જગ્યા નથી, જે હિંસક છે અથવા તો સત્તાની પોતાની સ્થિતિનો દુરુપયોગ કરે છે.