જૂનાગઢના કેશદ પાસે સાબલી નદીનો પુલ ધરાશાયી થઈ ગયો છે. પુલ ધરાશાયી થવાને કારણે ગામ સંપર્ક વિહોળું બન્યુ છે.
બામણાસા ગામનો સાબલી નદીનો પુલ ધરાશાયી
પુલ ધરાશાયી થતા રસ્તો બંધ
પુલ ધરાશાયી થતા અટવાયા લોકો
જૂનાગઢ જિલ્લામાં ધોધમાર વરસાદ પડ્યો છે. કેશોદના બામણાસા ગામે સાબલી નદીનો પુલ ધરાશાયી થયો છે. પુલ ધરાશાયી થવાનો વીડિયો વાયરલ થયો છે. તો પુલ ધરાશાયી થતા બામણાસાથી કેશોદ જવાનો રસ્તો બંધ થઇ ગયો છે. ગામલોકો 2 વર્ષથી પુલ બનાવવાની માગ કરી રહ્યાં છે.
પાંચ દિવસ વરસાદની હેલીની છે આગાહી
રાજ્યમાં વરસાદી માહોલ જામ્યો છે. ત્યારે વરસાદને લઇને હવામાન વિભાગે આગાહી કરી છે. કચ્છ પર વેલ માર્ક લો પ્રેશર સક્રિય થયું છે. સાયક્લોનીક સર્ક્યૂલેશન પણ સક્રિય થયું છે. બે સિસ્ટમ સક્રિય થવાથી રાજ્યના તમામ જિલ્લામાં વરસાદની આગાહી કરવામાં આવી છે. દક્ષિણ ગુજરાત અને સૌરાષ્ટ્ર-કચ્છમાં ભારેથી અતિભારે વરસાદની આગાહી કરાઇ છે.
રાજ્યમાં આગામી 4 દિવસ વરસાદની આગાહી
આગામી 48 કલાક રાજ્યમાં ભારે વરસાદની શક્યતા છે. સૌરાષ્ટ્ર, દક્ષીણ ગુજરાત અને કચ્છમાં ભારે વરસાદ થશે. 8 જુલાઈ સુધી દક્ષિણ ગુજરાત, સૌરાષ્ટ્ર, અમદાવાદ, ગાંધીનગર સહિતના વિસ્તારોમાં પણ વરસાદ થશે. પવન સાથે ભારે વરસાદની શક્યતાને લઈ તંત્ર અલર્ટ પર છે. હવામાન વિભાગની સૌરાષ્ટ્રમાં ભારે વરસાદની આગાહી છે. દરિયાઇકાંઠાના વિસ્તારોમાં ભારે વરસાદની આગાહી છે.
ગુજરાતના મોટા ભાગના જિલ્લાઓમાં આજે ધોધમાર વરસાદ થવાની સંભાવના છે. ગુજરાતના સૌરાષ્ટ્ર અને કચ્છમાં આજે ધોધમાર વરસાદ થઈ શકે છે.. દ્વારકાના ખંભાળિયામાં 18 ઈંચ જેટલો વરસાદ વરસ્યો છે. તો જૂનાગઢમાં 4 ઈંચ જેટલો વરસાદ વરસ્યો છે..આજે પણ દ્વારકા અને જૂનાગઢ, અમરેલી, રાજકોટ, ભાવનગર, બોટાદ અને દીવમાં ભારે વરસાદ થઈ શકે છે.. આ તરફ દક્ષિણ ગુજરાતના સુરત, નવસારી, વલસાડ, દમણ અને ભરૂચમાં વરસાદ થાય તેવી સંભાવના છે.. હવામાન વિભાગનું માનીએ તો ઉત્તર ગુજરાતના કેટલાક જિલ્લાઓમાં પણ વરસાદ થઈ શકે છે