ભારે કરી / લગ્નમાં જમણવાર મોડો થતાં જાન લીલાતોરણે પાછી ગઈ, કન્યાની માતાએ ફરિયાદ નોંધાવી

• સામાન્ય બાબતમાં હોબાળો થયો
• લગ્નમાં જમવાનું મોડુ થતાં જાન પાછી ગઈ
• પોલીસ સ્ટેશનમાં ફરિયાદ નોંધાઈ

બિહારના પૂર્ણિયામાં એક લગ્ન થયા હતા, જે હાલમાં સોશિયલ મીડિયા પર ખૂબ ચર્ચામાં છે. હકીકતમાં જોઈએ તો, લગ્નમાં ભોજન સમારંભમાં થોડુ વહેલા મોડા થઈ શકે છે. તેને ખોટી રીતે જોઈ શકાય નહીં. આવું એટલા માટે બને છે કે, લગ્નમાં કેટલાય પ્રકારની રસમોમાંથી પસાર થવાનું હોય છે, પણ આ લગ્નમાં ખાવાની બાબતને લઈને વાત એટલે સુધી બગડી ગઈ કે, મામલો પોલીસ સ્ટેશન સુધી પહોંચ્યો. લગ્નમાં ખાવાનું મોડું થતાં વરરાજા સહિત આખી જાન લીલાતોરણે પાછી ગઈ, દુલ્હન વરરાજા સાથે ફેરાની રાહ જોતી રહી ગઈ. 

ક્યાંની છે આ ઘટના

કહેવાય છે કે આ ઘટના બતૌના ગામમાં આવેલા ઈશ્વરી ટોળાની છે. ઘટના બાબતે દુલ્હનની માતા મીના દેવીએ પોલીસ સ્ટેશનમાં એક લેખિતમાં અરજી પણ આપી છે. આ ઘટના બાદ બંને પક્ષ વચ્ચે પંચાયત થઈ અને દહેજની રકમ અને બાઈક સાથે ભોજનમાં થયેલ બધો ખર્ચો વરના પિતાએ પાછો આપવો પડ્યો. ઘટના બાબતે દુલ્હનની માતા મીના દેવીએ જણાવ્યું હતું કે, 11 ફેબ્રુઆરીએ તેમની દિકરીના લગ્ન ધમદાહાના અમારી કુકરન નિવાસી ફુલેશ્વર ઉરાંવના પુત્ર રાજકુમાર ઉરાંવ સાથે થઈ રહ્યા હતા.

જમવામાં મોડું થતાં વરના પિતા વિફર્યા

તેમણે કહ્યું કે, જ્યાંરે જાન અને વરરાજા આવ્યા તોસ લોકો લગ્નની વિધિમાં લાગી ગયા, જેના કારણે જાનને ખવડાવવામાં થોડું મોડુ થઈ ગયું. તેનાથી ગુસ્સે ભરાયેલા વરના પિતાએ જાન અને વરરાજા સહિત મહેમાનો પાછા ઘરે જતાં રહ્યા. આ દરમિયાન ગામ લોકો અને સ્થાનિક લોકોને ખૂબ મનાવ્યા, પણ વરનો પિતા ફુલેશ્વર ઉરાંવે કોઈની વાત માની નહીં અને જાન લઈને પાછા નિકળી ગયાં.

લગ્નનો ખર્ચ અને દહેજમાં લીધેલી રકમ પાછી આપી

તેને લઈને પહેલા બંને પક્ષમાં સમાધાન કરવાનો પ્રયાસ થયો, પણ વાત બની નહીં, તેથી 16 ફેબ્રુઆરીએ દુલ્હનની માતાએ પોલીસ સ્ટેશનમાં જઈને લેખિતમાં ફરિયાદ નોંધાવી. આ મામલામાં પોલીસ સ્ટેશન પ્રભારી અમિક કુમારે જણાવ્યું હતું કે, દુલ્હનની માતા દ્વારા અરજી મળી છે. તેઓ આ મામલાની તપાસ કરી રહ્યા છે. પોલીસ સ્ટેશનમાં ફરિયાદ થયા બાદ 19 ફેબ્રુઆરી ફરી એક વાર બંને વચ્ચે પંચાયત યોજાઈ. પંચાયત બાદ વરના પિતાએ દહેજમાં લીધેલા 25 હજાર અને બાઈક સહિત લગ્નનો ખર્ચો પાછો આપવા રાજી થઈ ગયાં.