સાસુ વહુના કિસ્સા દુનિયાભારમાં ફેમસ છે. ક્યારેક ઝઘડા તો ક્યારેક પ્રેમ અને સપોર્ટ પરંતુ એક કિસ્સો એવો સામે આવ્યો છે જેને વાંચીને તમે હસી પડશો.
સાસુ-વહુનો સામે આવ્યો કિસ્સો
સાસુના ગાઉન પર ઢોળાયુ શાક
વહુએ ખુશ થઇને આપી 7 હજારની ટિપ
ઘટના બ્રિટનના એક લગ્નની છે. ડેઇલી મેઇલની એક રિપોર્ટ અનુસાર લગ્ન સમારોહમાં જમવાનું સર્વ કરનાર વેઇટ્રેસથી એક ભૂલ થઇ ગઇ હતી. તેના હાથમાંથી શાકનું બાઉલ પડ્યુ અને શાક સાસુના ગાઉન પર પડી ગયુ હતુ. વેઇટ્રેસને કોઇ અંદાજો નહોતો કે તેની આ ભૂલનું શું પરિણામ આવશે.
જે મહિલાના ઉપર વેઇટ્રેસે શાક ઢોળ્યુ હતુ તે મહિલા દિકરાના લગ્નમાં સફેદ ગાઉન પહેરીને પહોંચી હતી. જેવી આ ઘટના ઘટી તે બાદ વહુએ ખુશ થઇને વેઇટ્રેસને ટિપમાં 100 ડૉલર એટલે કે 7 હજાર રૂપિયા આપ્યા હતા.
રિપોર્ટ અનુસાર, આ વેટ્રેસનું નામ ક્લો બી છે. આ મહિલા અહીંના લગ્નમાં વેટ્રેસ તરીકે કામ કરે છે. ક્લો બીએ પોતાના ટિકટોક અકાઉન્ટ પર શૅર કરી છે. તેનો આ વીડિયો લાખો વાર જોવાઇ ચૂક્યો છે.
વીડિયોમાં ક્લોએ કહ્યું કે શાકથી ભરેલુ વાસણ તેણે એક મહિલા પર ઢોળી દીધુ હતુ પરંતુ તેને ખ્યાલ નહોતો કે આવું કંઇ થશે અને મહિલાની વહુ તેને ખુશ થઇને ટિપ આપી હતી. બાદમાં તે મહિલાએ ગાઉન બદલીને લગ્નમાં સામેલ થઇ હતી.