લગ્ન હોય એટલે અલગ અલગ રિવાજમાં જવાનિયાઓની મસ્તી જોવા મળતી હોય છે પરંતુ સોશ્યલ મિડીયા પર એક એવો વીડિયો વાયરલ થઇ રહ્યો છે જે જોઇને તમે હસી પડશો.
લગ્નમાં થઇ જોરદાર ધમાલ
સ્ટેજ પર ચડી ગઇ છોકરીઓ
વરરાજાને સ્ટેજ પરથી ઉતારી દીધો
દરેક ઘરમાં લગ્નની અલગ વિધી હોય છે અને લગ્નના માહોલમાં મજાક મસ્તી સાથે ગુસ્સામાં લડાઇ ઝઘડા પણ થઇ જતા હોય છે. હાલમાં જ એક વીડિયો વાયરલ થયો છે જેમાં વરરાજાની હાલત જોઇને તમને તેના પર દયા આવી જશે અને તમે વિચારતા થઇ જશો કે બિચારા વરરાજા સાથે આવું કેમ થઇ રહ્યું છે.
સ્ટેજ પર આ શું થયુ?
સોશ્યલ મિડીયા સાઇટ ઇન્સ્ટાગ્રામ પર એક વરરાજાનો વીડિયો જબરદસ્ત વાયરલ થઇ રહ્યો છે. આ વીડિયોમાં વરરાજા તેના ભાઇઓ અને મિત્રો સાથે સ્ટેજ પર છે અને દુલ્હનની રાહ જોઇ રહ્યો છે. ત્યારે જ ત્યાં કેટલીક છોકરીઓ આવે છે અને દુલ્હાની પિટાઇ કરવા લાગે છે તેમજ ધક્કા મુક્કી કરીને વરરાજાને સ્ટેજ પરથી ઉતારી દે છે.
વરરાજાના ચહેરાનો રંગ ઉતરી ગયો
આ વીડિયોમાં દેખાઇ રહેલી છોકરીઓ દુલ્હનની બહેનો છે કે વરરાજાની એક્સ ગર્લફ્રેન્ડ તે ખબર નથી પડી રહી પરંતુ તે દુલ્હાની ઇનસલ્ટ કરવાની તક છોડી નથી. વરરાજાના મિત્રો તેને બચાવવાનો પ્રયત્ન કરી રહ્યાં છે પરંતુ કોઇ ફાયદો થતો નથી.
કોઇ રિવાજ કે અસલી લડાઇ ?
છોકરીઓ ટોળામાં નજર આવી રહી છે તેવામાં અસલી લડાઇનું કારણ જાણવા મળ્યુ નથી પરંતુ કેટલાક લોકો કહી રહ્યાં છે કે વરરાજાએ કોઇ ગડબડ કરી હશે તો કેટલાક કહે છે કે તેની સાથે કોઇ અજીબ રિવાજ નિભાવવામાં આવી રહ્યો છે.