લગ્નમાં દુલ્હને મહેમાનોને ડિનર પર બોલાવીને ભારે કંજૂસી કરી.
લગ્નમાં મહેમાનોને બોલાવી દુલ્હને કર્યું આવું
200 મહેમાનોને ભોજન કરાવવામાં કરી કંજૂસી
આવી કંજૂસી જોઈ ભડકી ઉઠ્યા લોકો
દૂલ્હા-દુલ્હન પોતાના લગ્નના દિવસને ખાસ બનાવવા માટે પાણીની જેમ પૈસા ખર્ચ કરે છે. પરંતુ એક દુલ્હને આ દિવસે એવી કંજૂસી બતાવી કે લગ્નમાં આવેલા મહેમાન ભડકી ઉઠ્યા. આ દુલ્હને મહેમાનો માટે ભોજનની એટલી ખરાબ વ્યવસ્થા કરી કે લોકો લગ્ના દિવસે પણ દુલ્હનને ખરી ખોટી કહેવા લાગ્યા. લગ્નમાં દુલ્હનો ડ્રામા આટલામાં જ પુરો ન હતો થયો. પોતાના પિતાને મેડિકલ ઈમરજન્સી હોવા છતાં દુલ્હને લગ્ન રદ્દ ન કર્યા. તેના પર પણ દુલ્હનની ખૂબ આલોચના કરવામાં આવી.
વેડિંગ ડિનરમાં આપ્યો ફક્ત ચિકનનો એક ટૂકડો
લગ્નના દિવસે જ્યાં ફૂડ સ્ટોલ્સમાં અલગ અલગ પ્રકારની ડીશ હોય છે ત્યાં જ દુલ્હને મહેમાનોને ડિનરમાં ફક્ત એક એક ચિકન ગૌજન જ આપ્યું હતું. ચિકન ગૌજનમાં ચિકનના એક ટૂકડાને બ્રેડક્રમ્બ્સમાં લપેટીને ડીપ ફ્રાય કરીને બનાવવામાં આવે છે. જે આકારમાં ખૂબ જ નાનું હોય છે. દુલ્હને લગ્નમાં આવેલા 200 મહેમાનો માટે ફક્ત 200 ચિકન ગૌજન જ ઓર્ડર કર્યું હતું. મહેમાન એવું ડિનર જોઈને ચોંકી ઉઠ્યા હતા. જોકે દુલ્હને ફ્રી બારનું એરેન્જમેન્ટ પણ કર્યું હતું.
દુલ્હને માતાને ન આપ્યું આમંત્રણ
એક રિપોર્ટ અનુસાર દુલ્હને પોતાના લગ્નમાં દુલ્હાની માતાને જ ન હતા બોલાવ્યા, જેમણે તેના લગ્ન માટે ચર્ચ, પાર્ટી વગેરેની તૈયારીઓ માટે 10 હજાર પાઉન્ડ ચુકવ્યા હતા. આટલું જ નહીં લગ્ન વખતે દુલ્હાના પિતાને હાર્ટ એટેક આવ્યો હતો અને તેમને હોસ્પિટલ લઈ જવા પડ્યા હતા. આટલું બધુ થયું હોવા છતાં દુલ્હને પોતાના લગ્નની પાર્ટીને રોકી ન હતી. પરંતુ મહેમાનોએ જ્યારે દુલ્હાના પિતાની ચિંતા વ્યક્ત કરી તો દુલ્હન નારાજ થઈ ગઈ.