વિક્કી કૌશલ બોલિવૂડનો ડિમાન્ડિંગ એક્ટર બની ગયો છે. અભિનેતાની ફેન ફોલોઈંગ પણ વધી રહી છે. વિક્કીને લઈને આ દુલ્હનનો ક્રેઝ જોઈને તમે પણ હસવું નહીં રોકી શકો
દુલ્હને વિક્કીને લઈને પકડ જીદ
ફોટો ક્લિક કર્યા બાદ જ લગ્ન કરવાની જીત
સોશિયલ મીડિયા પર વાયરલ થઈ રહ્યો છે આ વીડિયો
ફિલ્મ 'ઉરી'થી બોલીવુડમાં સફળતાની સીડીઓ ચઢનાર વિક્કી કૌશલના ફેન્સની યાદી લાંબી થતી જાય છે. જો કે દરેક ફેન્સનું સપનું હોય છે કે તે પોતાના ફેવરિટ સ્ટારની એક ઝલક જોઈ શકે અથવા તેની સાથે ફોટો પડાવવી શકે. પરંતુ હાલ એક દુલ્હનનો વીડિયો વાયરલ થઈ રહ્યા છીએ જે વિક્કીના રૂમની બહાર તેના ફેવરિટ એક્ટર સાથે ફોટો પડાવવા ઉભી છે અને બીચારા દુલ્હાને ફેરા માટે લાંબો સમય રાહ જોવી પડી.
વિક્કી કૌશલ માટે પાગલ થઈ દુલ્હન
દુલ્હન વિક્કીના રૂમની બહાર જીદ પકડીને બેસી ગઈ કે તે વિક્કી સાથે એક ફોટો ક્લિક કરાવીને રહશે. આ ઘટના એપ્રિલ 2020ની છે જ્યારે વિકી તેની આગામી ફિલ્મના શૂટિંગ માટે મસૂરીમાં હતો. આ ફિલ્મમાં તેના કો એક્ટર એમી વિર્ક અને તૃપ્તિ ડિમરી હતા.
વિક્કી તેની હોટલના રૂમમાં હાજર હતો અને તે જ હોટલમાંથી દુલ્હનના લગ્ન થવાના હતા. બસ પછી શું હતું, જેવી દુલ્હનને ખબર પડી કે તેનો ફેવરિટ એક્ટર વિક્કી કૌશલ એ જ હોટલમાં છે, તે તેના રૂમની બહાર પહોંચી ગઈ અને જીદ કરવા લાગી કે તે વિક્કી સાથે ફોટો ક્લિક કરાવીને જ નીચે ફેરા માટે જશે. સાથે જ વીડિયોમાં જોઈ શકાય છે કે દુલ્હનની બહેનપણીઓ પણ તેની સાથે રિક્વેસ્ટ કરી રહી છે કે તેને એક ફોટો ક્લિક કરવા દેવામાં આવે.
દુલ્હનનું સપનું રહી ગયું અધુરૂ
દુલ્હનનું નામ પ્રેરણા નેગી છે અને વીડિયોમાં તે કહેતી જોવા મળે છે કે, 'મારો દુલ્હો નીચે મારી રાહ જોઈ રહ્યો છે, પરંતુ જ્યાં સુધી હું વિક્કી સાથે ફોટો ક્લિક નહીં કરાવું ત્યાં સુધી હું નહીં જઉં.' દુલ્હનના મિત્રોએ પણ વિક્કીના બોડી ગાર્ડને દુલ્હનને વિક્કીને મળવા દેવાની વિનંતી કરવાનું શરૂ કર્યું. જો કે, વિક્કી કૌશલને મળવાનું કન્યાનું સ્વપ્ન અધૂરું અને રાહ જોતી દુલ્હન તેના ફેરા માટે નીચે ગઈ.