OMG ! / દહેજમાં apache ના મળ્યુ તો વિફર્યા વરરાજા ! કર્યુ એવુ કે પછી દુલ્હને બરાબરનો ભણાવ્યો પાઠ, જાણો વિગત

• હરદોઇ જિલ્લાની અનોખી ઘટના
• વરરાજાએ દેહજમાં માગ્યું બાઇક
• બાઇક ન આપ્યુ તો વરરાજા દાગીના ન લાવ્યા 

દહેજ શબ્દથી આપણે પરિચિત છીએ . દહેજ પ્રથા નાબૂદ કરવા માટે સરકાર દ્વારા પણ ઘણા પ્રયાસો કરવામાં આવ્યા, સરકારે કાયદો પણ બનાવ્યો પરંતુ હજી પણ આ પ્રથા ઘણા સમાજમાં જોવા મળે છે.  દહેજને કારણે ઘણી દિકરીઓના ઘર ભાંગ્યા છે. ત્યારે આવો જ એક કિસ્સો સામે આવ્યો છે હરદોઇ જિલ્લાનો. આ જિલ્લામાં આયોજિત એક લગ્નસમારંભમાં દહેજમાં વરરાજાને બાઇક ન આપવામાં આવ્યુ તો વરરાજા વીફર્યા .

દહેજમાં વરરાજાએ માંગ્યુ બાઇક 

જ્યારે વરરાજાને દહેજમાં બાઇક આપ્યુ ન હોવાની જાણ થઇ તો વરરાજા તરફથી વધૂ માટે જ્વેલરી ન લઇ ગયો. નારાજ વરરાજા દુલ્હન માટે જ્વેલરી લઇ ન ગયા. આમ ન કરવા પાછળ કારણ આપ્યું કે દહેજમાં બાઇક આપ્યુ નહિ એટલે જ્વેલરી હું ન લાવ્યો. આ વાતની જાણ દુલ્હનને થતા હોબાળો થયો હતો. 

બાઇક ન મળી તો વરરાજાના પરિવારે કર્યું આવું કૃત્ય

દહેજ લોભીને પાઠ ભણાવવાનો આ કિસ્સો હરદોઈ જિલ્લાના કોતવાલી હરપાલપુર વિસ્તારના એક ગામનો છે. શાહજહાંપુર જિલ્લાના કાલાન પોલીસ સ્ટેશન વિસ્તારના ભડેલી ગામના રહેવાસી બદન સિંહના પુત્ર સંજીવ ચૌહાણના લગ્ન હરપાલપુર કોતવાલી વિસ્તારના એક ગામની રહેવાસી છોકરી સાથે નક્કી થયા હતા. લગભગ એક વર્ષ પહેલા તિલક વિધિ કરવામાં આવી હતી. તિલકમાં અપાચે બાઇક આપવાનું  નક્કી કરવામાં આવ્યું હતું. પરંતુ છોકરીના પરિવાર વાળા ગરીબ હોવાથી તેઓ બાઇક આપી શક્યા નહિ.

દુલ્હને નોંધાવ્યો વિરોધ

વર પક્ષેથી દાગીના ન લાવવાની જાણ થતાં જ યુવતીના હોશ ઉડી ગયા હતા. જ્યારે કન્યા પક્ષે વર પક્ષને આ વાત જણાવી ત્યારે તેણે દહેજમાં બાઇક ન આપવાનો ઉલ્લેખ કરીને કહ્યું કે દહેજમાં બાઇક ન મળ્યુ એટલે  દાગીના લાવ્યો નથી. દહેજ લોભી વરની વાત સાંભળીને દુલ્હનના હોશ ઉડી ગયા હતા. કન્યાએ સખત વિરોધ નોંધાવીને લોભી વર સાથે લગ્ન કરવાની ના પાડી દીધી. બુધવારે બંને પક્ષો વચ્ચે સમાધાન માટે વાતચીત થઈ હતી, મામલો પોલીસ સ્ટેશને પહોંચ્યો હતો પરંતુ મામલો થાળે પડ્યો ન હતો. દહેજ પ્રેમીઓના કૃત્યથી નારાજ કન્યાએ લગ્ન ન કરવાનો નિર્ણય લીધો.