ઉત્તર પ્રદેશના આગરા જિલ્લામાંથી એક એવા સમાચાર આવ્યા છે, જેને સાંભળીને સૌ કોઈ હેરાન રહી ગયા છે.
આગરામાંથી હેરાન કરનારો મામલો સામે આવ્યો
વચેટિયાની જાળમાં ફસાયો પરિવાર
દુલ્હન લગ્નના બે દિવસ પહેલા મોંઘો સામાન લઈ ગાયબ
ઉત્તર પ્રદેશના આગરા જિલ્લામાંથી એક એવા સમાચાર આવ્યા છે, જેને સાંભળીને સૌ કોઈ હેરાન રહી ગયા છે. હકીકતમાં જોઈએ તો, અહીં એક દુલ્હન પોતાના લગ્નના બે દિવસ પહેલા પરિવાર સહિત રફુચક્કર થઈ ગઈ હતી. દુલ્હન પોતાની સાથે કિમતી સાડીઓ, સૂટ અને લહેંઘા સહિતનો સામાન લઈ ગઈ હતી. આ વાતની જાણકારી જ્યારે વર પક્ષને થઈ, તો તેમણે પોલીસમાં ફરિયાદ નોંધાવી હતી.
વચેટિયા લઈને આવ્યા હતા સંબંધ
આ સમગ્ર મામલો આગરા જિલ્લાના જગદીશપુરા પોલીસ સ્ટેશન હદ વિસ્તારના વિકાસ કોલોનીનો છે. પ્રાપ્ત વિગતો અનુસાર જોઈએ તો, યુવક પોતાની કાર કૈબ કંપનીમાં ચલાવતો હતો. એક વચેટિયાએ લગ્ન કરાવવા માટે સંબંધ લઈને આવ્યો હતો. તેણે જણાવ્યું હતું કે, છોકરી ખેરા રાઠૌરની રહેવાસી છે. હાલમાં સિકંદરા સ્થિત રાધા નગરમાં ભાડાના મકાનમાં રહે છે, છોકરી ભણેલી ગણેલી છે, પણ પરિવાર ગરીબ છે.
16 એપ્રિલે થવાના હતા લગ્ન
લગ્ન કરવા માટે છોકરીવાળા પાસે રૂપિયા નથી. તેણે જણાવ્યું હતું કે, બંને તરફથી લગ્નનો ખર્ચ છોકરાવાળાએ ઉઠાવવો પડશે. જેના પર વર પક્ષના લોકોએ હા પાડી હતી. જે બાદ વચેટિયાએ બે માર્ચે છોકરી બતાવી. યુવકના પરિવારના લોકોને છોકરી પસંદ આવી. એક મેરેજ હોલમાં સગાઈની વિધિ પતાવી. 16 એપ્રિલે લગ્ન કર્યા, કાર્ડ પણ છપાવી નાખ્યા. ઘર પર સંબંધીઓ આવી ગયા.
લગ્નના ખર્ચ માટે 80 હજાર લીધા
વરને દુલ્હ્ન સાથે ફોન પર વાત થતી હતી. લગ્નના ખર્ચ માટે યુવકના પરિવાર પાસેથી છોકરીવાળાએ 80 હજાર લીધા હતા. જે તેમણે ઓનલાઈન ટ્રાંસફર કર્યા હતા. એટલુ જ નહીં દુલ્હનને લગ્ન માટે મોંઘા કપડા અને બીજો સામાન પણ અપાવ્યો હતો. પણ 11 એપ્રિલે છોકરીનો ફોન બંધ આવ્યો. છોકરાએ ઘણી વાર સંપર્ક કર્યો. જ્યારે ઘણી વાર સુધી ફોન બંધ આવ્યો તો, વચેટિયાને ફોન કર્યો, તેણે પણ ફોન ઉઠાવ્યો નહીં.
ઘરે પહોંચ્યા તો, છેતરાયા હોવાની જાણ થઈ
છોકરી ને લાગ્યું કંઈ થયું તો નથી ને ! તે રાધા નગર પહોંચ્યો. છોકરીવાળાએ જે સરનામુ આપ્યું હતું, તે સરનામે તો કોઈ દેખાયું નહીં. આ જોઈને વર પક્ષની આંખો ફાટી રહી. તે ખેરા રાઠોર પહોંચ્યો અને ત્યાં જઈને સરપંચને મળ્યો. જાણકારી મળી કે, આ ગામમાં કોઈ આવું રહેતુ નથી. આ જાણકારી બાદ છોકરાવાળાને પાક્કુ થઈ ગયું કે, તેઓ છેતરાયા છે. વર પક્ષે જગદીશપુરા પોલીસ સ્ટેશનમાં ફરિયાદ નોંધાવી છે.