એક વિવાહ એસા ભી / My Weddings My Rules,દુલ્હને મહેમાનો માટે બનાવ્યા એવા નિયમો કે જાણીને થઇ જશો હેરાન

• લગ્નમાં મહેમાનો માટે દુલ્હને બનાવ્યા નિયમો
• નિયમોનું ઉલ્લંઘન કરનારને સજા પણ ખરી
• સોશિયલ મીડિયામાં નિયમોનું લિસ્ટ વાયરલ

લગ્નમાં મ્હાલવાનો કોને ઉત્સાહ ન હોય. આપણે તો આપણા કઝિન કે મિત્રોના લગ્નની તો આતુરતાથી રાહ જોતા હોઇએ.  દુલ્હા દુલ્હનની તૈયારીઓ ન હોય એટલી તો આપણે તેમના લગ્નમાં જવા માટે તૈયારીઓ કરીએ , પરંતુ જ્યારે તમને ખબર પડે કે લગ્નમાં જવા માટે નિયમો ફોલો કરવા પડશે તો ?  આ નિયમો પાછા કોઇ નાના સૂના નહી. નિયમોનું પાલન ન કરો તો સજા પણ મળે.  આવા જ એક મેરેજની વાત સામે આવી છે જેમાં દુલ્હને લગ્નમાં આમંત્રિતો માટે નિયમો બનાવ્યા જેનું લિસ્ટ સોશિયલ મીડિયામાં વાયરલ થયું છે.

મહેમાનો માટે દુલ્હને બનાવ્યા નિયમો 

લગ્નના સિઝન ચાલી રહી છે. લોકો પોતાના લગ્નને લઇને ખાસ તૈયારીઓ કરતા હોય છે પરંતુ એક દુલ્હન પોતાના લગ્નને લઇને ચર્ચાનો વિષય બની ગઇ છે. કારણ કે તેણે લગ્નમાં આવનાર મહેમાનો માટે નિયમોનું લિસ્ટ જાહેર કર્યુ છે. વળી ચોંકાવનારી વાત તો એ છે કે જો નિયમોનું પાલન ન કર્યુ તો ગંદામાં ગંદી સજા પણ આપવામાં આવશે તેવો ઉલ્લેખ કર્યો છે. જાસ્મીન ક્રુઝ નામની મહિલાએ તેના સોશિયલ મીડિયા એકાઉન્ટ પર એક લિસ્ટ શેર કર્યું છે. જેમાં તેણે પોતાના લગ્ન પ્રસંગે મહેમાનો માટે નિયમો બનાવ્યા છે  મહેમાનોને આ નિયમોનું પાલન કરવાનું કહ્યું છે.  દુલ્હને એક બે નહી પરંતુ 12 નિયમો જાહેર કર્યા છે.

બાળકોને સાથે ન લાવવા

લગ્નમાં હાજરી આપવાનો પહેલો નિયમ એ છે કે મહેમાનો બાળકોને સાથે લાવવા નહી.  જો કે આમાં થોડી છૂટછાટ પણ આપવામાં આવી છે. દુલ્હનએ કહ્યું છે કે જો તમે તમારા બાળકોને ઘરે મૂકી શકો તેમ ન હોય તો  તેમને લગ્નમાં લાવી શકાશે પરંતુ  બાળકોને એક પળ માટે પણ એકલા મૂકવાના નહી.

સફેદ રંગના કપડા નહી પહેરવાના

સૌથી આશ્ચર્યજનક નિયમ એ છે કે લગ્નમાં આવનાર કોઈપણ મહેમાને સફેદ વસ્ત્રો પહેરવાની છૂટ નથી. દુલ્હનએ કહ્યું કે તેનો ડ્રેસ પોતે સફેદ રંગનો છે, એટલે  કોઈએ સફેદ કપડા પહેરીને ન આવવું . દુલ્હનએ એમ પણ કહ્યું કે જો કોઈ આ નિયમનું પાલન નહીં કરે તો તેના પર રેડ વાઈનની આખી બોટલ રેડવામાં આવશે.

આમંત્રિતોને જ અપાશે પ્રવેશ

દુલ્હને લગ્નમાં આનારે લોકોને એમ પણ કહ્યુ કે જે લોકોને આમંત્રિત નથી કર્યા તેવા લોકોને પ્રવેશ આપવામાં આવશે નહી.આ ઉપરાંત દારુ પીનારા લોકોને તેના લગ્નમાં આવવાની ચોખ્ખી ના કહી દીધી છે.  દુલ્હને બનાવેલા આ નિયમોનું લિસ્ટ સોશિયલ મીડિયામાં ભારે વાયરલ થયુ છે. ત્યારે હવે જોવાનું એ રહેશે કે નિયમોને લીધે કેટલા લોકો જાસ્મીન ક્રુઝના લગ્નમાં આવે છે.