ગજબ કહેવાય / પિતાનું સપનું હતું હવામાં ઉડીને સાસરે જાય દિકરી, વિદાય પર જે કર્યું તે જોવા ભેગુ થયું આખું ગામ

• આ પિતાએ દિકરીની કરી અનોખી વિદાય 
• દિકરીની વિદાય જોઈ દંગ રહી ગયા ગામના લોકો 
• જોવા માટે ભેગા થઈ ગયા ગામના લોકો 

દરેક પિતાની ઈચ્છા હોય છે કે તેની દિકરી પોતાના સાસરે ખૂબ જ ધૂમધામથી જાય. તેના માટે તે પોતાની આખા જીવનની કમાણી ખર્ચ કરવા માટે પણ તૈયાર થઈ જાય છે. ઉત્તર પ્રદેશના પ્રતાપગઢ જિલ્લામાં એક પિતાએ પોતાની દિકરીની વિદાય એટલી ધૂમધામથી કરી કે તેને જોઈને વિસ્તારના લોકો દંગ રહી ગયા. 

ગામમાં પ્રસાશને બનાવી આપ્યુ હેલીપેડ 
આ પિતાનું સપનું હતું કે તેમની દિકરી હવામાં ઉડીને પોતાના સાસરે જાય. જ્યારે તેમની દિકરીએ જન્મ લીધો હતો ત્યારથી જ પિતાનું કહેવું હતું કે તેમની દિકરી હવામાં ઉડીને જ પોતાના સાસરે જશે. તેના માટે તેમણે પોતાની દિકરીને લગ્ન બાદ હેલિકોપ્ટરમાં વિદાય આપી. આ પિતાના સપનાને પુરૂ કરવા માટે સ્થાનિક પ્રસાશન પણ આગળ આવ્યું હતું. તેના માટે પ્રસાશને ગામમાં હેલીપેડ બનાવી આપ્યું હતું. 

પ્રાઈમરી સ્કૂલમાં ભણાવે છે ઉર્વશી સિંહ 
પ્રતાપગઢના સદર વિકાર ખંડના સરાયસાગર ગામની રહેવાસી ઉર્વશી સિંહ પ્રાઈમરીની શિક્ષિકા છે. તેમના પિતા વિનોદ કુમાર સિંહ પણ પ્રાઈમરી સ્કૂલમાં શિક્ષક છે. ઉર્વશી સિંહના લગ્ન લાલગંજના રાનીગંજ કૈથોલા અર્જુનપુર ગામના રહેવાસી એન્જિનિયર અમિત સિંહની સાથે નક્કી થયા હતા. બન્નેના 26 નવેમ્બરે લગ્ન થયા હતા. તેના બીજા દિવસે એટલે કે 27 નવેમ્બરે દુલ્હનની વિદાય થઈ હતી. 

વિસ્તારમાં ચર્ચાનું કારણ બની આ ઘટના 
ઉર્વશીના પિતાએ પોતાની દિકરીના લગ્નને યાદગાર બનાવવા માટે હેલીકોપ્ટરથી વિદાય આપી હતી. તેમણે તેના માટે પ્રશાસન પાસેથી અનુમતિ પણ લીધી હતી. લગ્નના ઘણા દિવસો પહેલા આ ખબર વિસ્તારમાં ચર્ચાનો વિષય બની હતી. લોકો હેલીકોપ્ટર જોવા માટે ખૂબ જ ઉત્સુક હતા. હેલીકોપ્ટર ઉતારવા માટે ગામમાં હેલીપેડ પણ બનાવવામાં આવ્યું હતું. 

હોલીકોપ્ટર જોવા માટે ભેગુ થયું આખુ ગામ 
જેવું શનિવારે સવારે સરાયસાગર ગામમાં હેલીકોપ્ટર પહોંચ્યું તો આખુ ગામ હેલીપેડની પાસે ભેગુ થઈ ગયું હતું. ઉડાન ભર્યા પહેલા 7 પુરોહિતોએ હેલીકોપ્ટરના ચારે બાજુ પરિક્રમા કરી શંખનાદ પણ કર્યો. જ્યારે એન્જિનિયર અમિત સિંહ પોતાની દુલ્હન ઉર્વશીને લઈને હેલીકોપ્ટરથી ઉડ્યા તો ફૂલોની વર્ષા શરૂ થઈ ગઈ. ત્યાર બાદ સવારે લગભગ 11.30એ હેલીકોપ્ટ દુલ્હા અને દુલ્હનને લઈને ઉડ્યું હતું.