જો તમે લગ્નમાં પોતાને સુંદર દેખાડવા ઈચ્છો છો તો તમે મેકઅપને લઈને પણ કેટલીક ખાસ કાળજી રાખો તે જરૂરી છે. જ્યારે મેકઅપ આર્ટિસ્ટ તમારો મેકઅપ કરે છે ત્યારે એવું બને છે કે તમે તમારા ઓરિજિનલ ચહેરા કરતાં અલગ લૂક મેળવી લો છો. આવું ન થાય તેની ખાસ કાળજી રાખો. ધ્યાન રાખો કે ઓછા મેકઅપથી પણ તમે સુંદર લૂક મેળવી શકો છો. સિમ્પલ અને સોબર લૂક તમને એવો નિખાર આપે છે કે દરેકની નજર તમારા પર રહેશે અને તમે અનેક કોમ્પલીમેન્ટ્સ મેળવી શકો છો.
ફાઉન્ડેશન દરેક મેકઅપ માટેનો બેઝ ગણાય છે. જ્યારે પણ તમે તેને ખરીદો છો ત્યારે તેના બેસ્ટ લૂક માટે તમે આ 3 બાબતોનું ધ્યાન રાખો તે જરૂરી છે. યોગ્ય ફાઉન્ડેશનના અભાવે પણ તમારો લૂક ખરાબ થઈ શકે છે અને તમારી ઈવેન્ટ પણ ખરાબ થાય છે. તમારા પોતાના લગ્ન હોય અને તમે સુંદર ન દેખાઓ તે શક્ય નથી. આ નાની ટિપ્સ તમારી મદદ કરશે.
આ કાળજી સાથે ખરીદો ફાઉન્ડેશન
તેમાં ટાઈટેનિયમ ડાઈઓક્સાઈડ વધારે પ્રમાણમાં ન હોય.
તેનું SPF વધારે ન હોય કેમકે તમારા ચહેરા પર એક સફેદ લેયર દેખાડે છે.
તમારી સ્કીનને સારી રીતે સૂટ કરે અને સ્કીનને ઓઈલી કે ડ્રાય લૂક ન આપે.
ફાઉન્ડેશનનો ટોન તમારા હાથ નહીં પણ ચહેરાની સ્કીનના ટોનને મેચ કરે.
લગ્ન પહેલાં અપનાવી લો આ ટિપ્સ મળશે પ્રોપર લૂક
તમારા લગ્નને 2 કે 3 અઠવાડિયા બાકી છે તો તમે ટેન્શન ફ્રી થઈ જાવ અને પૂરતી ઊંઘ લો.
તમને પોતાને સમય આપો અને સાથે રિલેક્સ રહો.
એક સિમ્પલ રૂટિન અપનાવો અને સાથે રાતે સૂતા પહેલાં ચહેરાની સફાઈ સારી રીતે કરો.
રોજ લીંબુ અને ગ્લિસરીનનો જ્યૂસ ચહેરા પર લગાવો જેથી ચહેરા પર ચમક આવશે.
રોજ સવારે અને સાંજે યોગા અને મેડિટેશન કરો જેથી મન શાંત રહે. તમે રિલેક્સ અને ફ્રેશ રહેશો.
ખાવા પીવાનું ધ્યાન રાખો અને હેલ્ધી ફૂડ લો, રોજ જ્યૂસ પીઓ.
ફળ ખાઓ, લીલા શાક અને દૂધ ઉપયોગમાં લો.
દાળ અને દહીં પણ ખાઓ. હેલ્ધી ડાયટ તમારું મેટાબોલિઝમ સુધારે છે.