બ્રેસ્ટ કેન્સર એક ગંભીર સમસ્યા છે પરંતુ તેનાથી ગભરાવવાના બદલે તેના વિશે જાગૃતિ લાવવી વધારે જરૂરી છે.
જાણો બ્રેસ્ટ કેન્સરના મુખ્ય લક્ષણો
બોડીમાં આ ફેરફાર લાગે તો ન કરતા નજર અંદાજ
લક્ષણો સમયસર સમજી તેની સારવાર કરાવવી
દરેક વ્યક્તિ જાણે છે કે સ્તન કેન્સર એક ગંભીર સમસ્યા છે જેના લક્ષણોને સમયસર સમજીને તેની સારવાર કરી શકાય છે. ચાલો જાણીએ બ્રેસ્ટ કેન્સરના પહેલા પાંચ લક્ષણો શું છે.
સ્તનના નિપ્પલના આકારમાં ફેરફાર
જો તમે પણ તમારા સ્તનના નિપ્પલમાં ફેરફાર જોઈ રહ્યા છો. તો તેને હળવાશથી ન લો, કારણ કે તે સ્તન કેન્સરનું પ્રારંભિક લક્ષણ હોઈ શકે છે. તેને સમયસર ઓળખો અને ડૉક્ટરની સલાહ લો.
સ્તનમાં દુખાવો પીરિયડ્સ સુધી ચાલુ રહે
જો તમને તમારા સ્તનમાં દુખાવો થાય છે તો તમારે થોડા એલર્ટ રહેવાની જરૂર છે. જો આ દર્દ થોડા દિવસોમાં ખતમ ન થાય તો તમારે સાવધાન રહેવું પડશે. જો આ દુખાવો પીરિયડ્સ સુધી ચાલુ રહે તો તમારે ચોક્કસપણે ડૉક્ટરની સલાહ લેવી જોઈએ.
બ્રેસ્ટ પર ગાંઠ બનવી
આ સિવાય જો તમારા સ્તન પર કોઈ ગાંઠ બની ગઈ છે. જે દૂર નથી થઈ રહી તો તમારે સાવધાન રહેવું પડશે. હકીકતે આ ગાંઠ સ્તન કેન્સરના પ્રારંભિક લક્ષણો માટે પણ જવાબદાર છે.
સ્તનનો સોજો
જો તમને તમારા કોઈપણ સ્તન પર લાલાશ, સોજો, ત્વચામાં બળતરા, ખંજવાળ અથવા ફોલ્લીઓ હોય તો તમારે સાવધાન થઈ જવાની જરૂર છે. કારણ કે આ લક્ષણ સ્તન કેન્સરની શરૂઆતનું લક્ષણ પણ હોઈ શકે છે.
નિપ્પલથી દૂધ નિકળવું
આ સાથે જો તમારા સ્તનના નિપ્પલમાંથી પીળા અથવા અન્ય રંગનું દૂધ જેવું કંઈક બહાર આવે છે. તો તમારે તેને હળવાશથી ન લેવું જોઈએ. આ પણ સ્તન કેન્સરનું લક્ષણ હોઈ શકે છે. આ પરિસ્થિતિઓમાં તમારે ચોક્કસપણે ડૉક્ટરની સલાહ લેવી જોઈએ.