મોટા સમાચાર / BIG BREAKING : ગુજરાતના નવા મુખ્ય સચિવ તરીકે પંકજ કુમારની નિયુક્તિ, ફરી એકવાર VTVના અહેવાલ પર વાગી મહોર

• - ગુજરાતને મળ્યા નવા મુખ્ય સચિવ
• - પંકજ કુમારની નવા મુખ્ય સચિવ તરીકે થશે નિયુક્તિ
• - અનિલ મુકિમ વયમર્યાદાને કારણે 31 ઓગસ્ટે થઈ રહ્યા છે નિવૃત
• - પંકજ કુમાર 1986ની બેચના છે IAS

ગુજરાત રાજ્યને આગામી દિવસમાં નવા મુખ્ય સચિવ મળવા જઈ રહ્યા છે અને નવા મુખ્ય સચિવ તરીકે 1986ની બેચનાં IAS ઓફિસર પંકજ કુમારનાં નામ પર મહોર મારવામાં આવી છે. નોંધનીય છે કે 31મી ઓગસ્ટે રાજ્યનાં વર્તમાન મુખ્ય સચિવ મુકીમ નિવૃત્ત થઈ રહ્યા છે ત્યારે પંકજ કુમાર આગળનો કાર્યભાર સંભાળશે. ખાસ વાત છે કે VTV Gujaratiએ આ સમાચાર પર પહેલા જ અહેવાલ આપ્યા હતા અને ફરી એક વાર VTV Gujaratiનાં અહેવાલ પર મહોર વાગી છે. 

1986ની બેચના IAS પંકજ કુમાર બન્યા ગુજરાતના નવા મુખ્ય સચિવ#BREAKING #PankajKumar @IASassociation @CMOGuj@vijayrupanibjp pic.twitter.com/15FZceue4N

— VTV Gujarati News and Beyond (@VtvGujarati) August 27, 2021

VTVના અહેવાલ પર વાગી મહોર 

નોંધનીય છે કે VTV Gujarati હંમેશા પોતાના વાચકોને સચોટ અને સૌથી પહેલા સમાચાર આપવામાં ફરીવાર અગ્રેસર રહ્યું છે. ગુજરાતનાં મુખ્ય સચિવનાં નિવૃત્તિને લઈને VTVએ અનેક અહેવાલો આપ્યા જેમાં આગામી મુખ્ય સચિવને લઈને VTVએ આપેલ માહિતી પર ફરી મહોર વાગી. આમ VTV વાચકોનાં વિશ્વાસ પર ફરી ખરું ઉતર્યું છે. 

બ્યૂરોક્રસીનાં બોસ અનિલ મુકીમ 31 ઓગસ્ટે સેવાનિવૃત થઈ રહ્યાં છે
ગુજરાત સરકારમાં બ્યૂરોક્રસીનાં બોસ અનિલ મુકીમ હવે પોતાના પદ પરથી વિદાય લેવા જઈ રહ્યા છે. રાજ્યના ઈતિહાસમાં મુકીમ પહેલા એવા ચીફ સેક્રેટરી છે કે જેમને એક નહીં બે-બે વાર CSનાં પદે એક્સટેન્શન આપવામાં આવ્યું. મુકીમે વર્ષ 2019માં JN સિંઘ બાદ ચાર્જ સંભાળ્યો હતો અને તે બાદ તેઓ 2020માં જ ઓગસ્ટ મહિનામાં તેઓ નિવૃત્ત થવાના હતા, જોકે મુકીમ સરકારનાં ટોપ લીડર્સની ખૂબ જ નજીકના અધિકારી હોવાના કારણે તેમને બે વાર એક્સટેન્શન આપવામાં આવ્યું છે.

કોણ છે પંકજ કુમાર?
ગૃહ વિભાગના અધિક મુખ્ય સચિવનો પદભાર પંકજ કુમાર સંભાળી રહ્યા છે.અનુભવ અને કામગીરીના આધાર પર CSની રેસમાં સૌથી આગળ પંકજ કુમારનું નામ ચાલી રહ્યું છે. તેમની જન્મ તારીખ 6 મે, 1962 છે જ્યારે 25 ઓગસ્ટ 1986થી IAS તરીકે જોડાયેલા છે.પંકજ કુમારે B.TEC, MBA, IIT મેનેજમેન્ટ કાનપુરથી કરેલું છે. પંકજ કુમારની કામગીરીથી વિજય રૂપાણી પ્રભાવિત છે.