બ્રાઝીલમાં એક એવી ઘટના સામે આવી છે કે જે ચમત્કારથી ઓછી ન ગણાવી શકાય. અહીં એક ટ્રક ક્યૂરિટિબા નજીક પલટી જતા મોટી દૂર્ઘટના ઘટી હતી. ટ્રક લાકડાનો ભારે સામન લઈને જઈ રહ્યો તે દરમ્યાન ટ્રકમાં ગર્ભવતી મહિલા પણ હતી. તે 39 અઠવાડિયાથી ગર્ભવતી હતી. આ દુર્ધટનામાં મહિલાનું મોત નિપજ્યુ હતુ પરંતુ તેની નવજાત બાળકી બચી ગઈ.
મળતી માહિતી પ્રમાણે મહિલાએ ટ્રક ડ્રાઈવર પાસે લિફ્ટ લીધી હતી. ઘટનાની જાણ થતાજ પોલીસે ત્યાં પહોંચીને જ્યારે ટ્રકમાંથી રસ્તા પર પડેલા લાકડાના સામાનને જ્યારે હટાવ્યો ત્યારે જોયું કે તેની નીચે એક મહિલાનો મૃતદેહ હતો. પરંતુ તેનું પેટ ફાટી જવાથી તેની બાળકી બહાર નીકળીને રસ્તાના કિનારે પહોંચી ગઈ હતી. પોલીસને બાળકી ત્યાંથી થોડેકજ દૂર રડતી અવસ્થામાં મળી.
પોલીસે નવજાત બાળકીને એમ્બ્યુલેન્સ મારફતે હોસ્પિટલ સુધી પહોંચાડી હતી. જ્યાં ડોક્ટર અને અન્ય કર્મીઓ પણ એ જાણીને હેરાન હતા કે આટલી મોટી ઘટનામાં આખરે આ બાળકી બચી તો કેવી રીતે તમામ લોકો એવું માનતા હતા કે આ બાળકીને ભગવાને બચાવી છે.