અસર / એમેઝોનના જંગલોમાં આગથી દક્ષિણ અમેરિકાના આ દેશોના આકાશમાં ફેલાયો ઝેરી ધુમાડો

• 10 વર્ષ બાદ આટલી મોટી આગ લાગી છે અમેઝોનના જંગલોમાં 
• 9 વર્ષ બાદ સૌથી વધારે કાર્બન ડાઇઑક્સાઇડ પેદા થયો 
• દક્ષિણ અમેરિકાના કિનારા સુધી પહોંચી રહ્યો છે ઝેરી ધુમાડો

છેલ્લા 10 વર્ષમાં પહેલી વખત બ્રાઝીલમાં અમેઝોનના જંગલોમાં આટલી ભીષણ આગ લાગી છે. આંતરરાષ્ટ્રીય સ્તર પર આ આગને લઇને ચિંતા વ્યક્ત કરવામાં આવી રહી છે. બ્રાઝીલના ઉત્તર ભાગમાં સ્થિત રાજ્ય રોરૈમા, એક્રે, રોન્ડોનિયા, પારા, માટો ગ્રોસો અને અમેઝોનાસ એનાથી ખરાબ રીતે અસરગ્રસ્ત છે. આગની ઘટનામાં રોરાઇમામાં 141%, એક્રેમાં 138%, રોન્ડોનિયામાં 115% અને અમેઝોનાસમાં 81% વૃદ્ધિ થઇ છે. જ્યારે દક્ષિણમાં મોટો ગ્રોસો ડૂો સૂલમાં 114% વધી છે. બ્રાઝીલમાં કટોકટીની જાહેરાત કરવામાં આવી છે. આ આગથી નિકળતા ધુમાડાની અસર દક્ષિણ અમેરિકાના 9 દેશોમાં જોવા મળી રહી છે. 

આગથી પેદા થયેલા ધુમાડાના કારણે પર્યાવરણને ભારે નુકસાન થઇ રહ્યું છે. નાસાનું માનીએ તો આ ઘુમાડો એન્ટલાન્ટિક કિનારા સુધી ફેલાઇ રહી છે. એટલે કે આ ફેલાઇને 2800 વર્ગ કિમી ક્ષેત્રફળનો ઘેરાવો કરી રહ્યું છે. આગથી મોટા પ્રમાણમાં કાર્બન ડાઇઑક્સાઇડ પેદા થઇ રહ્યો છે. આ વર્ષે 228 મેગાટન કાર્બન ડાઇઑક્સાઇડ પેદા થયો છે. આ 2010 બાદ સૌથી વધારે છે. ઝેરી ગેસ કાર્બન મોનો ઑક્સાઇઝ પણ પેદા થઇ રહ્યો છે. આ દક્ષિણ અમેરિકાના તટીય વિસ્તારો સુધી પહોંચી ચુકી છે. 

જુલાઇથી ઑક્ટોબરની વચ્ચે ગરમીની સિઝનમાં જંગલોમાં આગ લાગવી સામાન્ય વાત છે. પ્રાકૃતિક કારણોથી પણ આગ લાગે છે પરંતુ સાથે જ ખેડૂતો અને લાકડાં કાપનાર લોકો પણ આગ લગાવે છે. એવું માનવામાં આવી રહ્યું છે આ વખતે ખેડૂતો અને લાકડાં કાપનાર લોકોએ જમીન સાફ કરવા માટે જાણીજોઇને આટલી મોટી આગ લગાવી દીધી છે. 

અમેઝોન જંગલોની આગ એટલી મોટી છે કે અંતરિક્ષથી પણ જોવા મળી રહી છે. અમેરિકાની અંતરિક્ષ એજન્સી નાસાએ ઘણા ઉપગ્રહોએ એના ફોટા પણ લીધા છે. દક્ષિણ અમેરિકાના 9 દેશોમાં એની સીધી અસર પડી રહી છે. 19 ઓગસ્ટે આગ વાળી જગ્યાથી 2735 કિમી દૂર સ્થિત સાઓ પાઓલો શહેરમાં દિવસમાં એક કલાક માટે અંધારું થઇ ગયિં હતું. આ અંધારું જંગલોથી નિકળતા ધુમાડાથી થયું હતું. 

બ્રાઝીલની સરકારના આંકડાઓનું માનીએ તો આ વર્ષે જાન્યુઆરીથી લઇને અત્યાર સુધી અમેઝોના જંગલોમાં આગની 75 હજાર ઘટનાઓ નોંધાઇ છે. જ્યારે ગત વર્ષે 40,136 ઘટનાઓ બની હતી. એવો પણ દાવો કરવામાં આવી રહ્યો છે કે બ્રાઝીલના રાષ્ટ્રપતિ જેયર બોલસોનારોને સત્તા સંભાળ્યા બાદ જંગલોને કાપવાની ઘટના વધી છે.