આજના સમયમાં આ કહેવુ ખોટુ નથી કે લગભગ દરેક વ્યક્તિના હાથમાં સ્માર્ટ ફોન છે. આપણા બધા કામ આપણા ફોન પર નિર્ભર હોય છે. જેના કારણે ફોનમાં આપણો સૌથી જરૂરી ડેટા સેવ રહે છે. જ્યાં આ ડિવાઈસે આપણા જીવનને સરળ બનાવ્યું છે તો આ ડિવાઈસ આપણા માટે જોખમ બનીને સામે આવે છે.
આ Virus ચોરી રહ્યો છે તમારા સ્માર્ટફોનનો બધો ડેટા
જાણો, આ ખતરનાક એન્ડ્રોઈડ મેલવેયર શું છે
આ Virus તમારા ફોનનો ડેટા પણ ચોરી શકે છે
આ Virusથી સાવધાન રહો
આજે અમે તમને એક એવા ખતરનાક એન્ડ્રોઈડ મેલવેયર અંગે જણાવવા જઇ રહ્યાં છે, જે તમને બેન્ક ડિટેઈલ સાથે તમારા ફોનનો ડેટા પણ ચોરી શકે છે. છેલ્લાં ઘણા સમયથી BRATA નામનો એક બેન્કિંગ ફ્રોડ ટ્રોઝન એન્ડ્રોઈડ યુઝર્સને નિશાન બનાવીને તેનો ફોન આપતો અને બેન્કની માહિતી ચોરી કરી રહ્યું છે. કોમ્પ્યુટર સિક્યોરિટી ફર્મ ક્લીફીની નવી સિક્યોરિટી રિસર્ચ રિપોર્ટ મુજબ, આ મેલવેયરનો એક નવો વેરિએન્ટ ગયા વર્ષે ડિસેમ્બરથી સર્ક્યુલેટ થઇ રહ્યો છે. આ એક મોટુ જોખમ છે. કારણકે આ તમારા સ્માર્ટફોનને ફેક્ટરી રીસેટ કરીને બધો ડેટા ચોરી લે છે.
આ રીતે કામ કરે છે આ વાયરસ
મહત્વનું છે કે, જ્યારે પહેલી વખત આ વાયરસની જાણકારી મળી તો જોવામાં આવ્યું હતુ કે આ વાયરસ વેબસાઈટ્સ, ગૂગલ પ્લે અને એન્ડ્રોઈડ ડિવાઈસ પર થર્ડ પાર્ટી એપ્સ દ્વારા કામ કરતો હતો. આગળ જઇને આ જોવામાં આવ્યું છે કે હેકર્સ વોટ્સએપ જેવા મેસેજિંગ એપ્સ પર મેસેજ મોકલીને પણ લોકોને પોતાની જાળમાં ફસાવી રહ્યાં છે. ઘણી વખત યુઝર્સને કોઈ એન્ટી-સ્પેમ એપને ડાઉનલોડ કરવા માટે લિન્ક મોકલવામાં આવી છે, જે હકીકતમાં સ્પેમ જ હોય છે. કહેવાઈ રહ્યું છે કે આ બેન્કિંગ ટ્રોઝન યુઝર્સને બેન્કિંગ એલર્ટ્સના નામે છેતરી રહ્યું છે અને એન્ટી વાયરસ પ્લેટફોર્મથી પણ વેચીને નિકળી રહ્યું છે.
BRATA ના વેરિએન્ટ્સ
રિપોર્ટસ મુજબ, અત્યારે આ બેન્કિંગ ટ્રોઝનના કુલ ત્રણ વેરિએન્ટ્સ છે. BRATA.A છેલ્લાં ઘણા મહિનાથી ઉપયોગ કરાતો હતો. જેમાં એક એવુ જીપીએસ ટ્રેકિંગ ફીચર હતુ. જે ફોનને ફેક્ટરી રીસેટ કરી દેતુ હતુ. BRATA.B પણ આ વેરિએન્ટનો વધુ એક એડવાન્સ્ડ વેરિએન્ટ છે, જેનાથી ઘણી બેન્કની માહિતી નિકાળવી ખૂબ સરળ છે. આ મેલવેયરનો ત્રીજો વેરિએન્ટ BRATA.C સ્માર્ટફોન પર મેલવેયર ડિપ્લોય કરવાનુ કામ કરે છે. આ વેરિએન્ટ એક બીજી એપ ઈન્સ્ટોલ કરે છે અને મેલવેયર પહેલી એપનો ઉપયોગ કરે છે, જેને યુઝરે ડાઉનલોડ કરી હોય છે.