મિશન માટે મંથન: RSSના પ્રાંત કાર્યવાહ સહિત CM રૂપાણી બેઠકમાં રહ્યા હાજર

આજે ભાજપની ચિંતન શિબિર બીજો દિવસ છે. લોકસભાની ચૂંટણી પહેલા ભાજપ ફરી સંઘના શરણે પહોંચી ગયું છે. ભાજપની ચિંતન શિબિરમાં સંઘના પદાધિકારીઓ પહોંચ્યા છે. RSSના પ્રાંત કાર્યવાહ યશવંત ચૌધરી અને હસમુખ પટેલ શિબિરમાં પહોંચ્યા છે તો CM રૂપાણી સહિતના ભાજપના નેતાઓ પણ શિબિરમાં ઉપસ્થિત છે.

ઉલ્લેખનીય છે કે 2019માં ગુજરાતની 26 લોકસભા બેઠક જીતવા માટે ભાજપની ચિંતન બેઠકથી ચાલી રહી છે જેનો આજે બીજો દિવસ છે. હાલ ચિંતન બેઠકમાં 10 મુદ્દાઓ પર ખાસ ભાર મુકવામાં આવ્યો છે. બેઠકમાં મુખ્યત્વે સંગઠનને મજબૂત કરવું સરકાર અને સંગઠન વચ્ચે તાલમેલ રાખવો લોકસંપર્ક અને વિપક્ષ ઉપર પ્રહારની રણનીતિ નક્કી કરવામાં આવશે. જેમાં પાર્ટીના રાષ્ટ્રીય અધ્યક્ષ અમિત શાહનું માર્ગદર્શનની ભૂમિકા મહત્વની રહેશે. 

આપને જણાવી દઇએ કે 2019માં ગુજરાતની 26 લોકસભા બેઠક જીતવા માટે ભાજપની ચિંતન બેઠક ચાલી રહી છે કે જેનો આજે બીજો દિવસ છે. ગત મોડી રાત્રે જ રાષ્ટ્રીય અધ્યક્ષ અમિત શાહ અમદાવાદના આંતરરાષ્ટ્રીય હવાઇ મથકે આવી પહોંચ્યા હતા.

મહત્વનું છે કે અમિત શાહ અમદાવાદમાં આવી પહોંચ્યાં છે. અમદાવાદનાં પૂર્વ મેયર ગૌતમ શાહ આજે અમિત શાહનાં નિવાસ સ્થાને પણ પહોંચ્યાં હતાં. જ્યાં પૂર્વ મેયર ગૌતમ શાહે અમિત શાહ સાથે મુલાકાત કરી હતી તેમજ આ દરમ્યાન ભાજપનાં પૂર્વ ધારાસભ્ય માયાબેન કોડનાની અને ધારાસભ્ય બાબુ જમનાદાસ પટેલ પણ ઉપસ્થિત રહ્યાં હતાં. ઉલ્લેખનીય છે કે 2019માં ગુજરાતની 26 લોકસભા બેઠક જીતવા માટે ભાજપે રણનીતિ બનાવવાની કામગીરીનો આરંભ કરી દીધો છે. જેથી 2 દિવસીય ચિંતન શિબિરનું આયોજન કરવામાં આવ્યું છે.