Health Tips / નહાતી વખતે તમે તો નથી કરતાને આ મોટી ભૂલ? થઈ શકે છે બ્રેઈન સ્ટ્રોક

• ઠંડીમાં આ કારણે થઈ શકે છે બ્રેઈન સ્ટ્રોક
• નહાતી વખતે ધ્યાનમાં રાખો આ વસ્તુઓ 
• જાણો તેના વિશે દરેક માહિતી 

દેશમાં પાછલા 1 મહિનાથી હાડથિજાવતી ઠંડીના કારણે બ્રેઈન સ્ટ્રોકના કેસ વધી ગયા છે. તેના કારણે ઘણા લોકોએ પોતાનો જીવ પણ ગુમાવવો પડ્યો છે. ડોક્ટરોએ જણાવ્યા અનુસાર બ્રેઈન સ્ટ્રોકના મોટા કારણમાંથી એક આપણું ખોટી રીતે નહાવવું પણ હોઈ શકે છે. 

મગજ પર પડે છે અસર 
ડોક્ટરોના જણાવ્યા અનુસાર હાલ ગગડતો પારો સીધો મગજ પર અસર કરે છે. ઘણા લોકો આવી ઠંડીમાં ઠંડા પાણીથી નહાય છે. એમાં પણ ઘણા લોકો નહાવવાનું શરૂ કરતાની સાથે જ સીધુ માથા પર પાણી નાખે છે. માથા પર સીધુ પાણી પડવાના કારણે બ્રેઈન સ્ટ્રોક અથવા તો માથાની નસ ફાટવાનું જોખમ વધી જાય છે. 

શિયાળામાં વધી જાય છે સ્ટ્રોકનો ખતરો 
મેડિકલ એક્સપર્ટ્સનું કહેવું છે કે આમ તો સ્ટ્રોક ક્યારેય પણ થઈ શકે છે પરંતુ શિયાળામાં બ્રેઈન સ્ટ્રોકનો ખતરો વધી જાય છે. ડાયાબિટીઝ, હાઈ બીરી અને હાર્ટની બીમારીથી પરેશાન લોકોને બ્રેઈન સ્ટ્રોક અથવા બ્રેઈન હેમરેજનો ખતરો વધારે હોય છે. એવામાં આ લોકોને શિયાળામાં વધારે સતર્ક રહેવાની જરૂર છે. તેમણે ભૂલથી પણ ઠંડા પણીથી ન નહાવવું જોઈએ. 

સ્ટ્રોકના લક્ષણોને ન કરો ઈગ્નોર 
ડોક્ટરોના જણાવ્યા અનુસાર શિયાળામાં એકદમ ઠંડા પાણીમાં નહાવવાથી બચો. બની શકે તો પાણીને હલકુ ગરમ કરો. નહાતી વખતે પાણીને સૌથી પહેલા પગ પર નાખો, ત્યાર બાજ હાથ પર, પછી ધડ પર અને અંતમાં માથા પર નાખો. તેમ છતાં જો બ્રેઈન સ્ટ્રોકના લક્ષણ જોવા મળે તો દર્દીને નજીકના હોસ્પિટલમાં લઈ જવા માટે મોડુ ન કરો. આ કામમાં થોડુ પણ મોડુ દર્દીનો જીવ લઈ શકે છે. 

આ છે બ્રેઈન સ્ટ્રોના લક્ષણ 

• શરીરનો કોઈ પણ ભાગ બહેરો થઈ ગયો હોય તેવો અનુભવ 
• આંખોથી સ્પષ્ટ ન જોઈ શકાય 
• શરીર ખાલી ચઢવી અથવા કમજોરી લાગવી 
• માથામાં દુખાવો, ઉલ્ટી અથવા ઉપકા આવવા 
• બોલવામાં અથવા સમજવામાં મુશ્કેલી થવી 
• શ્વાસ લેવામાં તકલીફ થવી
• બ્રેઈનમાં બ્લીડિંગ થવાથી બેભાન થવાનું 

કોને થાય છે વધારે ખતરો 

• હાઈ બ્લડ પ્રેશરના દર્દીને
• 55 વર્ષથી વધારે ઉંમરના લોકોને 
• ડાયાબિટીસના દર્દીઓને 
• માઈગ્રેન અથવા એનીમિયાના પીડિતોને 
• જાડાપણાથી પરેશાન લોકોને