ભારત અને ફિલીપીંસ શુક્રવારે બ્રહ્મોસ સુપરસોનિક એન્ટી શિપ ક્રૂઝ મિસાઈલના વેચાણ માટે 375 મિલિયન એમિરીકી ડોલરની ડીલ સાઈન કરશે.
ભારત અને ફિલીપીંસ શુક્રવારે બ્રહ્મોસ સુપરસોનિક એન્ટી શિપ ક્રૂઝ મિસાઈલના વેચાણ માટે 375 મિલિયન એમિરીકી ડોલરની ડીલ સાઈન કરશે. ફિલીપીંસ પોતાની નૌસેના માટે ભારત પાસેથી બ્રહ્મોસ મિસાઈલ ખરીદી રહ્યું છે. આ ખાસ અવસરે ફિલીપીંસના ટોચના રક્ષા અધિકારીઓ હાજર રહેશે, જ્યારે ભારતનું પ્રતિનિધિત્વ તેના રાજગૂત દ્વારા કરવામાં આવશે. આ વાતની જાણકારી સરકારી અધિકારીઓએ આપી છે. ફિલીપીંસ પોતાના તટ પર તૈનાત થનારા જહાજમાં મિસાઈલ રાખવા માટે ખરીદી રહ્યું છે.
ચીનની દાદાગીરી સામે રક્ષણ મેળવવા આ મિસાઈલ કામમાં આવશે
તેને છેલ્લા થોડાક મહિનાથી ચીન સાથે જળક્ષેત્રને લઈને વિવાદ ખૂબ વધી ગયો છે. જે જળક્ષેત્રને ફિલીપીંસ પોતાનું ગણાવે છે, ત્યાં કેટલાય મહિનાઓથી ચીની જહાજ અડ્ડો જમાવીને બેઠું છે. ફિલીપીંસના તમામ પ્રયાસો છતાં પણ તે હટવા માટે તૈયાર નથી. ત્યારે આવા સમયે ભારત પાસેથી બ્રહ્મોસ મિસાઈલ લઈને પોતાની નૌસેનાના વધારે મજબૂત કરવાની કોશિશ કરી રહ્યું છે. આ એક ડીલ છે, જેનાથી દક્ષિણ ચીન સાગરમાં દાદાગીરી દેખાડી રેહલા ચીનને મોટો ઝટકો લાગશે. બ્રહ્મોસ એક એવી મિસાઈલ છે, જેનાથી ચીન જેવા દેશો થરથર કાંપી રહ્યા છે.
બ્રહ્મોસ મિસલાઈલની તાકાત
બ્રહ્મોસ સુપરસોનિક એન્ટી શિપ ક્રુઝ મિસાઈલ 350થી 400 કિમી સુધી પ્રહાર કરી શકે છે. મતલબ કે આટલે દૂર ઊભેલા દુશ્મનનું કામ તમામ કરી શકાય છે. મિસાઈલ 2.8 મૈક એટલે કે ધ્વનિની ગતિથી લગભગ 3 ગણી વધારે ઝડપે અટેક કરી શકે છે. તેનું હાલમાં જ એક નવું વર્જન પણ ટેસ્ટ કરવામાં આવ્યું હતું. 20 જાન્યુઆરીએ ઓડિશાના તટ પર કરવામાં આવેલુ પરિક્ષણ સફળ રહ્યું હતું. ટેકનિકના હિસાબે આ મિસાઈલ નવી ખૂબીઓથી ભરેલી છે. બ્રહ્મોસની ખાસિયત એ છે કે, તેનાથી પનડુબ્બી, યુદ્ધપોત, પ્લેન અથવા જમીન પર કોઈ પણ પ્લેટફોર્મ પરથી લોન્ચ કરી શકાય છે.