ઉત્તર પ્રદેશના નાયબ મુખ્યમંત્રી અને ભારતીય જનતા પાર્ટીના વરિષ્ઠ નેતા દિનેશ શર્માએ કહ્યું છે કે, બ્રાહ્મણ એક જાતિ નથી, પણ જીવન જીવવનાનું ઉત્તમ માધ્યમ છે. તેમણે પોતાની પાર્ટી કોઈ પણ ભેદભાવ વગર તમામ માટે કામ કરવાનો ઉલ્લેખ કર્યો હતો.
ચૂંટણી પ્રચારમાં નેતાઓની ભાષાઓ બેલગામ બની
ભાજપના નેતાએ બ્રાહ્મણોને લઈને કહી આ વાત
પાર્ટીનું સ્ટેન્ડ ક્લિયર કર્યું
ઉત્તર પ્રદેશના નાયબ મુખ્યમંત્રી અને ભારતીય જનતા પાર્ટીના વરિષ્ઠ નેતા દિનેશ શર્માએ કહ્યું છે કે, બ્રાહ્મણ એક જાતિ નથી, પણ જીવન જીવવનાનું ઉત્તમ માધ્યમ છે. તેમણે પોતાની પાર્ટી કોઈ પણ ભેદભાવ વગર તમામ માટે કામ કરવાનો ઉલ્લેખ કર્યો હતો.
નેતાએ કહ્યું- લોકો મારી પાસેથી માગી રહ્યા છે આ સવાલનો જવાબ
ગૌતમ બુદ્ધનગર જિલ્લાના જેવરમાં એક ચૂંટણી સભાને સંબોધન કરતા શર્માએ જાતિવાદી હોવાને લઈને વિપક્ષી પાર્ટીઓની ટીકા કરી હતી. જેવરમાં ભાજપ ઉમેદવાર ધીરેન્દ્ર સિંહ માટે પ્રચાર કરતા શર્માએ કહ્યું કે, તે વિધાનસભા ચૂંટણી પહેલા આખા રાજ્યનો પ્રવાસ કરી રહ્યા છે અને તેમની પાસેથી બ્રાહ્મણવાદને લઈને વિચાર અને જાતિવાદને પર પાર્ટીનું સ્ટેન્ડ છે, તેને લઈને મોટા ભાગે સવાલો પૂછવામાં આવે છે.
હું બ્રાહ્મણ છું અને મને તેના પર ગર્વ છે
જેવરમાં દિનેશ શર્માએ કહ્યું કે, કોઈએ મારી પાસેથી બ્રાહ્મણ વિશે વિચાર જાણવાનો પ્રયાસ કર્યો, મેં કહ્યું ભાજપ સૌનો સાથ સૌનો વિકાસ ઈચ્છે છે. દરેક જાતિનું પોતાનું આગવું મહત્વ હોય છે. આ જ કારણ છે કે, અમારી પાસે તમામ જાતિઓનું સમર્થન છે. પણ જ્યારે હું બ્રાહ્મણવાદ સાથે જોડાવ છું, તો હું કહું છું કે, હા હું એક બ્રાહ્મણ છું અને મને તેના પર ગર્વ છે. હું તેને કોઈ અનાદર તરીકે જોતો નથી.
બ્રાહ્મણો હંમેશા બીજાની ખુશીમાં ખુશ થાય છે
તેમણે કહ્યું કે, એક બ્રાહ્મણનું કામ સર્વે ભવન્તુ સુખિન: છે, જે બીજાની ખુશીમાં ખુશી અનુભવે છે, તે એક બ્રાહ્મણ હોય છે. દિનેશ શર્માએ જણાવ્યું છે કે, તે વ્યવસાયે એક શિક્ષક પણ છે. પહેલા તો ખાલી શિક્ષકોને જ બ્રાહ્મણ કહેવામાં આવતા હતા. કારણ કે, તે લોકો કલ્યાણ માટે કામ કરતા હતાં. અને તમામ જાતિઓે તેને દેવતા માનતી હતી.
બ્રાહ્મણ એક જાતિ નથી, પણ જીવન જીવવાની રીત છે
દિનેશ શર્મા અહીંથી અટક્યા નહોતા, તો આ નવી જાતિ ક્યાંથી આવી ? બ્રાહ્મણ એક જાતિ નથી, પણ જીવન જીવવાનું ઉત્તમ માધ્યમ છે. પછી તે શિક્ષણ હોય કે, અન્ય કોઈ કામ, તેમને જાતિ સાથે કોઈ વાંધો નથી. જન્મથી મૃત્યુ સુધી આ એ જ બ્રાહ્મણ છે, જે સૌભાગ્ય માટે કામ કરે છે. પશ્ચિમ ઉત્તર પ્રદેશમાં ગૌતમબુદ્ધ નગર જિલ્લામાં જેવરમાં વિધાનસભા ચૂંટણીમાં પ્રથમ તબક્કામાં 10 ફેબ્રુઆરીએ મતદાન થશે.