બ્રહ્માસ્ત્ર: પાર્ટ વન શિવા બૉક્સ ઑફિસ પર ધૂમ મચાવી રહી છે. રણવીર-આલિયાની ફિલ્મે અત્યાર સુધી ભારતીય બૉક્સ ઓફિસ પર 230 કરોડ રૂપિયાથી વધુની કમાણી કરી છે. તો 15મા દિવસે એટલેકે આજે ફિલ્મ 10 કરોડ રૂપિયાથી વધુનો આંકડો પાર કરી જશે.
કેવો હશે રણબીર-આલિયાની ફિલ્મ બ્રહ્માસ્ત્રનો બીજો પાર્ટ?
અયાન મુખર્જીએ કર્યો મોટો ખુલાસો
બ્રહ્માસ્ત્ર પાર્ટ-1એ બૉક્સ ઓફિસ પર 230 કરોડ રૂપિયાથી વધુની કમાણી કરી
અયાન મુખર્જીએ બ્રહ્માસ્ત્રના બીજા પાર્ટ સાથેની મોટી અપડેટ આપી
થિયેટરોમાં અયાન મુખર્જીની મજા લઇ ચૂકેલા પ્રશંસકો હવે તેના બીજા પાર્ટ-દેવની આતુરતાપૂર્વક રાહ જોઇ રહ્યાં છે. એટલું જ નહીં, સોશિયલ મીડિયામાં ફિલ્મ સાથેની થિયરી પણ વાયરલ થઇ રહી છે. આ બધાની વચ્ચે હવે ફિલ્મના ડાયરેક્ટર અયાન મુખર્જીએ બીજા પાર્ટ સાથેની એક મોટી અપડેટ આપી છે. નિર્દેશક અયાન મુખર્જીએ ન્યુઝ એજન્સી પીટીઆઈ સાથેેની વાતચીત દરમ્યાન બ્રહ્માસ્ત્ર: પાર્ટ ટૂ-દેવ સાથેનો મોટો ખુલાસો કર્યો છે. અયાને જણાવ્યું કે બ્રહ્માસ્ત્રના પહેલા પાર્ટમાં શિખા અને ઈશા એટલેકે રણબીર-આલિયાની લવ સ્ટોરી બતાવવામાં આવી છે. આ ફિલ્મમાં આ બતાવવામાં આવ્યું છે કે કેવીરીતે શિવાને પ્રેમ દ્વારા પોતાની તાકાતનો અહેસાસ થાય છે. તો બીજો પાર્ટ દેવના સંઘર્ષની આજુબાજુ બનાવવામાં આવશે. ફિલ્મમાં દેવનો સંઘર્ષ ઘણો ડાર્ક થવાનો છે. જેની કહાની ખૂબ જ રસપ્રદ રહેશે.
બ્રહ્માસ્ત્ર પાર્ટ-1એ બૉક્સ ઑફિસ પર ખૂબ કમાણી કરી
પાર્ટ 1ની વાત કરીએ તો ભારે વિરોધ અને વિવાદ બાદ રીલીઝ થયેેલી આ ફિલ્મે બૉક્સ ઑફિસ પર ખૂબ કમાણી કરી છે. જો કે, હવે ફિલ્મના વ્યાપારમાં સતત ઘટાડો જોવા મળી રહ્યો છે. તો વાત કરીએ ફિલ્મના 14મા દિવસે થયેલી કમાણીની તો 14મા દિવસે ફિલ્મે બીજા ગુરૂવારે આશરે 3.10 કરોડ રૂપિયાનુ કલેક્શન કર્યુ છે. આ સાથે દેેશભરમાં ફિલ્મનુ ટોટલ કલેક્શન 230 કરોડ રૂપિયા થયુ છે.