ધાર્મિક માન્યતા / શા માટે હિંદુ ધર્મમાં બ્રહ્મમુહૂર્તને મનાય છે સૌથી ઉત્તમ સમય? જાણી લો તેના છે અનેક ફાયદા

• હિન્દુ ધર્મમાં બ્રહ્મ મુહૂર્તનો સમય હોય છે ખૂબ જ ખાસ
• બ્રહ્મ મુહૂર્તમાં ઉઠવાથી બુદ્ધીનો વિકાસ થાય છે
• આ સમયે પૂજા કરવાથી પૂરી થાય છે મનોકામના 

બ્રહ્મ મુહૂર્તનુ હિન્દુ ધર્મમાં વધુ મહત્વ

બ્રહ્મ મુહૂર્તનુ નામ આમ તો મોટાભાગના લોકોએ સાંભળ્યુ્ં હશે. આ સમયનુ હિન્દુ ધર્મમાં ખૂબ મહત્વ છે. ધાર્મિક શાસ્ત્રોથી લઇને ઋષિ-મુનિઓ અને વડીલોએ આ મુરતને ખૂબ લાભદાયી જણાવ્યું છે. આ સમયને દેવોનો સમય માનવામાં આવ્યો છે. આ સમયે ઉઠવુ માણસ માટે સૌથી સારું માનવામાં આવે છે. કહેવાય છે કે જે શખ્સ આ સમયે ઉઠે છે, તેમની બુદ્ધી તેજ થાય છે અને હેલ્થ પણ સારું રહે છે. આ સમયે પૂજા-પાઠ કરી ભગવાનનુ સ્મરણ કરવુ પણ વધુ સારું માનવામાં આવે છે. 

સમય

હિન્દુ ધર્મમાં બ્રહ્મ મુહૂર્તનો અર્થ થાય છે કે સવારનો સમય. હિન્દુ ધર્મમાં આ સમયે ઉઠવા માટે સવારનો સૌથી શ્રેષ્ઠ સમય માનવામાં આવ્યો છે. આ સમયે રાત પૂરી થાય છે અને દિવસની શરૂઆત થાય છે. બ્રહ્મ મુહૂર્તનો સમય સવારે 4 વાગ્યાથી લઇને 5 કલાકને 30 મિનિટ સુધીનો માનવામાં આવે છે. જેનો સમયગાળો દોઢ કલાકનો હોય છે. 

પૂજા-પાઠ

શાસ્ત્રો મુજબ, આ સમય માણસો માટે ઉઠવાનો સમય શ્રેષ્ઠ સમય માનવામાં આવ્યો છે. આ સમયે ઉઠવાથી બિમારીઓ ઘણી દૂર રહે છે અને સારા સ્વાસ્થ્યની પ્રાપ્તિ થાય છે. બ્રહ્મ મુહૂર્તમાં ઉઠીને પૂજા-પાઠ કરવાથી ભગવાન પ્રસન્ન થાય છે અને તેમની કૃપા પણ મળવા લાગે છે. 

દેવોનુ આગમન 

શાસ્ત્રો મુજબ, પ્રાચીન કાળથી ઋષિ-મુનિ આ સમયે ઉઠી જતા હતા અને સ્નાન વગેરે પતાવીને ભગવાનની સાધનામાં લીન થતા હતા. આ સમય દેવોનો સમય માનવામાં આવે છે. એવી માન્યતા છે કે આ સમય દેવી-દેવતા અને પિતૃનુ આગમન થાય છે.