IPLIN
 

Cricket / IPL 2023ના ઓક્શન પહેલા પંજાબ કિંગ્સે ખેલ્યો દાવ, આ ઓસ્ટ્રેલિયાઈ ક્રિકેટરની કરી એન્ટ્રી

Team VTV 11:49 PM, 16 Nov 22 | Updated: 11:50 PM, 16 Nov 22
Follow us
Brad Haddin assistant coach of (IPL) Punjab Kings team

પંજાબ કિંગ્સે કર્યું ટ્વિટ; ઓસ્ટ્રેલિયાના ભૂતપૂર્વ વિકેટ-કીપર અને બેટ્સમેન બ્રેડ હેડિનને ટીમના સહાયક કોચ તરીકે નિયુક્ત કરાયો છે.

  • પંજાબ કિંગ્સ ટીમનો બ્રેડ હેડિન સહાયક કોચ 
  • જાફર-લેંગવેલ્ટની પંજાબ કિંગ્સમાં વાપસી
  • પંજાબ કિંગ્સની શિખર ધવન સુકાની કરશે


ઈન્ડિયન પ્રીમિયર લીગ (આઈપીએલ) 2023 માટે તમામ 10 ટીમોએ મંગળવારે 15 નવેમ્બરના રોજ રિટેન અને રીલીઝ કરાયેલા ખેલાડીઓની યાદી જાહેર કરી હતી. હવે આ ટીમો IPLની મિની ઓક્શનને લઈને રણનીતિ બનાવવામાં વ્યસ્ત છે. 23મી ડિસેમ્બરે કોચીમાં મીની ઓક્શન આયોજન કરાય છે.

બ્રેડ હેડિનને આસિસ્ટેન્ટ કોચ બનાવ્યો
મિની ઓક્શનમાં જતા પહેલા પંજાબ કિંગ્સ (PBKS)એ કેટલાક મોટા નિર્ણયો લીધા છે. ફ્રેન્ચાઇઝીએ ઓસ્ટ્રેલિયાના ભૂતપૂર્વ વિકેટ-કીપર બેટ્સમેન બ્રેડ હેડિનને ટીમના આસિસ્ટેન્ટ કોચ તરીકે નિયુક્ત કર્યો છે. પંજાબ કિંગ્સે ટ્વિટ કર્યું, 'બ્રેડ હેડિનને સહાયક કોચની એન્ટ્રી થઈ છે. તમે કેટલા ઉત્સાહિત છો? હેડિને ઓસ્ટ્રેલિયા માટે 66 ટેસ્ટ, 126 ODI અને 34 T20 આંતરરાષ્ટ્રીય મેચ રમ્યો છે.

જાફર-લેંગવેલ્ટની પણ એન્ટ્રી
ટીમ ઈન્ડિયાનો પૂર્વ ક્રિકેટર વસીમ જાફરની પણ પંજાબ કિંગ્સમાં વાપસી થઈ છે. એક વર્ષની બાદ તે ફરીથી પંજાબ કિંગ્સમાં બેટિંગ કોચની ભૂમિકા ભજવશે. દક્ષિણ આફ્રિકાના ભૂતપૂર્વ ઝડપી બોલર ચાર્લ લેંગવેલ્ડ બોલિંગ કોચ તરીકે નામાયો છે. લેંગવેલ્ડ અગાઉ પણ પંજાબનો ટીમ સાથે કામ કરી ચૂક્યો છે. તેણે ફાસ્ટ બોલર અર્શદીપ સિંહની કારકિર્દીને બનાવવામાં મહત્વની ભૂમિકા ભજવી હતી.

શિખર ધવન સુકાની કરશે
પંજાબ કિંગ્સ (અગાઉ કિંગ્સ ઇલેવન પંજાબ) IPLમાં ભાગ લઈ રહી છે પરંતુ તેઓ હજુ પણ પ્રથમ ટાઇટલની શોધમાં છે. પંજાબ કિંગ્સે 2014ની ફાઈનલ સહિત અત્યાર સુધીમાં માત્ર બે વખત પ્લે-ઓફમાં જગ્યા બનાવી છે. પંજાબે મયંક અગ્રવાલને બહાર કરી દીધો છે જે ટીમનો કેપ્ટન હતો. મયંકની જગ્યાએ શિખર ધવનને ટીમનો કેપ્ટન બનાવવામાં આવ્યો હતો. પંજાબ કિંગ્સ ટીમ હવે શિખર ધવનની કપ્તાનીમાં અને મુખ્ય કોચ ટ્રેવર બેલિસના માર્ગદર્શન હેઠળ પ્રથમ IPL ટાઇટલ જીતવાની આશા રાખી રહી છે. હાલમાં જ પંજાબ કિંગ્સે અનિલ કુંબલેના સ્થાને બેલિસને ટીમનો મુખ્ય કોચ બનાવ્યો. ટ્રેવર બેલિસ એવા કોચ છે જેણે તેમના કોચિંગ હેઠળ 2012 અને 2014માં કોલકાતા નાઈટ રાઈડર્સને આઈપીએલ ટાઈટલ અપાવ્યું હતું.

આ ટીમોમાંથી રિટેન થયાં પ્લેયર્સ:

DC
દિલ્હી કેપિટલ્સનાં શાર્દુલ ઠાકુર, સિમ સિફર્ટ, અશ્વિન હેબ્બાર, શ્રીકર ભરત, મંદીપ સિંહને રિલીઝ કરાયુ છે. જ્યારે અમન ખાનની ટીમને કોલકત્તાથી લેવામાં આવ્યું છે. દિલ્હી પાસે 19.45 કરોડ રૂપિયા બચ્યાં છે. 

LSG
લખનૌ સુપર જાયન્ટ્સનાં એન્ડ્ર્યુ ટાઇ, અંકિત રાજપૂત, દુષ્મંતા ચમીરા, ઇવિન લુઇસ, જેસન હોલ્ડર, મનીષ પાંડે અને શહબાઝ નદીમને રિલીઝ કરવામાં આવેલ છે. હવે ટીમ પાસે 23.35 કરોડ છે.

PK
પંજાબ કિંગ્સનાં મયંક અગ્રવાલ, ઓડિએન, વૈભવ અરોડા, બેન હોવેલ, ઇશાન પોરેલ, અંશ પટેલ, પ્રેરક માંકડ, સંદીપ શર્મા, રૂતિક ચટર્જીને રિલીઝ કરવામાં આવ્યો છે. ટીમ પાસે 32.2 કરોડ રૂપિયા બચ્યાં છે.


KKR
કોલકત્તા નાઇટ રાઇડર્સનાં,
પેટ કેમિન્સ, સેમ બિલિંગ્સ, અમન ખાન, શિવમ માવી, મહોમ્મજ નબી, ચમિકા કરૂણારત્ન, એરોન ફિંચ, અભિજીત તોમર, અજિક્ય રાહણે, અશોક શર્મા, બાબા ઇન્દ્રજીત, પ્રથમ સિંહ, રમેશ કુમાર, રસીખ સલામ, શેલ્ડન જેક્સનને રિલીઝ કરવામાં આવ્યાં છે.
હવે કોલકત્તા પાસે 7.05 કરોડ રૂપિયા બાકી છે.

CSK
ચેન્નઇ સુપરકિંગ્સે ડ્વેન બ્રાવો, ક્રિસ જોર્ડનને રિલીઝ કર્યાં. જ્યારે રોબિન ઉથપ્પા પહેલે જ રિટાયર થયાં છે. ચેન્નઇ પાસે હાલમાં 20.45 કરોડ રૂપિયા બચ્યાં છે. સ્ક્વોડની કમાન ધોનીના હાથમાં સુરક્ષિત છે.

SH
હૈદ્રાબાદનાં કેપ્ટન થયા બહાર 
સનરાઇઝર્સ હૈદ્રાબાદનાં કેન વિલિયમસન્સ, નિકોલસ પૂરનસ જગદીશ સુચિથ, પ્રિયમ ગર્ગ, રવિકુમાર સમર્થ, રોમારિયો શેફર્ડ, સૌરભ દુબે, શોન એબોટ, શશાંક સિંહ, શ્રેયસ ગોપાલ, સુશાંત મિશ્રા, વિષ્ણુ વિનોદને રિલીઝ કરાયા છે. હૈદ્રાબાદનું બજેટ હવે 42.25 કરોડ રૂપિયા છે.

MI
મુંબઇ ઇન્ડિયન્સનાં કુલ 13 ખેલાડીઓ રિલીઝ થયાં છે જેમાં કિરોન પોલાર્ડનું રિટાર્યનમેન્ટ સમાવિષ્ટ છે. આ રિલીઝની સાથે જ મુંબઇ ઇન્ડિન્સની પાસે 20.55 કરોડ રૂપિયા બાકી રહે છે. તેમના સ્ક્વોડમાં 2 વિદેશી ખેલાડીઓની જગ્યા ખાલી છે, મુંબઇએ કિરોન પોલાર્ડ, અનમોલપ્રીત સિંહ, આર્યન જુયાલ, બસિલ થામ્પી, ડેનિઅલ સેમ્સ, ફેબિયન એલન, જયદેવ ઉનાદકટ, મયંક માર્કેડય, મુરૂગન અશ્વિન, રાહુલ બુદ્ધિ, રિલે મેરેડિથ, સંજય યાદવસ ટાઇમિલ મિલ્સને રિલીઝ કરાયું છે.

2 કેપ્ટનની છૂટ્ટી
પંજાબ કિંગ્સના મયંક અગ્રવાલને રિલીઝ કરાયું છે, સનરાઇઝર્સ હૈદ્રાબાદનાં કેન વિલિયમસનને પણ રિલીઝ કરાયું છે. 

IPL ખેલાડીઓ IPL 2023 BRAD HADD Punjab Kings
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ