ક્યારે સુધરશે? / વધુ એક પેપરલીક કાંડ: 3 કલાકમાં રદ્દ થઈ પરીક્ષા, ટેલિગ્રામ-વોટ્સએપ ગ્રુપમાં થયું હતું વાયરલ

• બિહારમાં પેપરલીક મામલે ભારે હોબાળો 
• પરીક્ષા પહેલા જ પ્રશ્નપત્ર સોશ્યલ મીડિયામાં ફરતું થઈ ગયું 
• ત્રણ જ કલાકમાં પરીક્ષા રદ્દ કરી દેવાઈ 

ગુજરાતમાં ઘણીવાર સરકારી ભરતીના પેપર લીક થાય તેવા સમાચાર આવતા હોય છે પણ આ વખતે બિહારમાં પણ એવી જ પરિસ્થિતિનું નિર્માણ થયું છે. દિન રાત તનતોડ મહેનત બાદ પેપર કાંડ થવાથી વિદ્યાર્થીઓ ખૂબ નારાજ છે. 

વિદ્યાર્થીઓ દ્વારા બબાલ 
બિહાર લોક સેવા આયોગ એટલે કે BPSC નું આજે પેપર હતું પણ પરીક્ષા ચાલુ થાય તે પહેલા જ પેપર લીક થઈ ગયું અને ફરતું થઈ ગયું. વાત ફેલાતા વિદ્યાર્થીઓ દ્વારા ઠેર ઠેર હોબાળો કરવામાં આવ્યો છે. 

પરીક્ષા રદ્દ કરવામાં આવી 
મામલો આખા રાજ્યમાં ખૂબ મોટો બની જતાં ઉતાવળમાં તપાસની કમિટી બનાવવામાં આવી જેનો પહેલો રિપોર્ટ પણ સોંપી દેવામાં આવ્યો છે. રિપોર્ટ સામે આવ્યા બાદ આયોગ દ્વારા પરીક્ષાને રદ્દ કરી દેવાનો નિર્ણય કરવામાં આવ્યો છે. આગામી સમયમાં તંત્ર હવે સમગ્ર મામલાની તપાસ પણ કરશે.  

There was some issue in the exam (for Bihar Public Service Commission (BPSC)). Candidates having an issue can file a written complaint, we will compile it and send it to BPSC. Final decision will be taken accordingly, but no exact info on the issue: Bhojpur DM Roshan Kushwaha pic.twitter.com/5nh45OFYv0

— ANI (@ANI) May 8, 2022

સોશ્યલ મીડિયામાં આવી ગયું હતું પેપર
નોંધનીય છે કે પેપર ચાલુ તેની પહેલા જ વાયરલ થઈ ગયું હતું અને લોકોને ટેલિગ્રામ ગ્રુપ તથા વોટ્સએપ ગ્રુપમાં મળી ગયું હતું, વિદ્યાર્થીઓ પેપર આપવા બેઠા તો સવાલ સરખા જ આવ્યા, જે બાદ હોબાળો ફાટી નીકળ્યો.