આ વર્ષની શરૂઆતમાં ઘણા સેલેબ્સ માતા-પિતા બન્યા છે. તેમણે પોતાના બાળકોના ખૂબ જ યુનિક નામ રાખ્યા છે. જાણો તેમના નામનો અર્થ શું થાય છે.
આ વર્ષે ઘણા સેલેબ્સ બન્યા માતા-પિતા
પોતાના બાળકોના રાખ્યા યુનિક નામ
જાણો તેમના નામની પાછળનો અર્થ
આ વર્ષે ઘણા સેલેબ્સના ઘરોમાં નાનકડા મહેમાન આવ્યા છે. પ્રિયંકા ચોપરાથી લઈને ભારતી સિંહ સુધીના ઘણા સ્ટાર્સે પોતાના ફેન્સને ગુડ ન્યૂઝ આપ્યા. જ્યારે કેટલાક સેલેબ્સે તેમની પ્રેગ્નન્સી અને બેબી બમ્પ ફોટોશૂટ ચાહકો સાથે શેર કર્યા, તો કેટલાકે પ્રેગ્નન્સીને સિક્રેટ રાખીને સીધા જ બાળકના જન્મની જાહેરાત કરી હતી.
સેલેબ્સના બાળકોના યુનિક નામ
સેલેબ્સના બાળકોની પહેલી ઝલકની સાથે તેમના નામ પણ હેડલાઇન્સમાં રહે છે. આવી સ્થિતિમાં, આજે અમે તમને આ વર્ષે નવા માતા-પિતા બનેલા સેલેબ્સના બાળકોના અનોખા નામ અને તેમના નામનો અર્થ જણાવવા જઈ રહ્યા છીએ.
પ્રિયંકા ચોપડાની દિકરીનું નામ
આ લિસ્ટમાં પહેલું નામ પ્રિયંકા ચોપરાની દીકરીનું છે. સરોગસી દ્વારા માતા બનેલી પ્રિયંકાએ પોતાની પુત્રીનું નામ માલતી મેરી ચોપરા જોનાસ રાખ્યું છે. પીસી એ માતા મધુ માલતીના નામથી પ્રેરિત થઈને આ નામ રાખ્યું છે. માલતી એ સંસ્કૃત શબ્દ છે જેનો અર્થ થાય છે સુગંધ વાળુ ફૂલ અથવા ચંદ્રનો પ્રકાશ. ત્યાં જ મેરી ઈસુ ખ્રિસ્તના માતાનું નામ છે. આવી સ્થિતિમાં પીસીની દીકરીનું નામ ઘણું મીનિંગફુલ છે. અભિનેત્રીની પુત્રીના નામ સાથે બંનેની અટક જોડવામાં આવી છે.
ભારતી સિંહના દિકરાનું નામ
કોમેડી સ્ટાર ભારતી સિંહ અને તેના પતિ હર્ષ લિમ્બાચીયા પણ એક પુત્રના માતા-પિતા બન્યા છે. આ સ્ટાર કપલે હજુ સુધી પોતાના બાળકનું નામકરણ કર્યું નથી. તે પોતાના બાળકને પ્રેમથી ગોલા કહે છે. તેથી બાળકનું હુલામણું નામ ગોલા છે.
દેબિના બેનર્જીની દિકરીનું નામ
હાલમાં જ એક પુત્રીના માતા-પિતા બનેલા દેબીના અને ગુરમીતે તેમની બાળકીનું નામ લિયાના રાખ્યું છે. આ અનોખા નામનો અર્થ કળા, કોમળતા થાય છે.
પુજા બેનર્જીની દિકરીનું નામ
પૂજા બેનર્જી પણ થોડા દિવસો પહેલા જ માતા બની છે. પૂજાએ દિકરીનું નામ સના સેજવાલ રાખ્યું છે. સના નામનો અર્થ "સ્તુતિ અથવા પ્રાર્થના" છે. આ ખૂબ જ ધાર્મિક નામ છે.
શ્રેયા સરનની દિકરીનું નામ
શ્રેયા સરન પણ થોડા સમય પહેલા જ માતા બની છે. અભિનેત્રીએ નવા વર્ષના દિવસે ખુલાસો કર્યો હતો કે લોકડાઉનના દિવસોમાં તે એક પુત્રીની માતા બની હતી. અભિનેત્રીએ તેની પુત્રીનું નામ રાધા સરન કોસાચિવ રાખ્યું છે. રાધાનો અર્થ છે સફળતા, વીજળી, ભગવાન કૃષ્ણ પ્રેમ, બૌદ્ધિક ઊર્જા, સમૃદ્ધિ, પ્રેરણા.