ઉત્તરપ્રદેશમાં કાયદો અને વ્યવસ્થા પર ફરી એકવાર સવાલ ઉઠ્યા છે. ઉત્તરપ્રદેશમાં એક યુવતીની શખ્સે છેડતી કરી રહ્યાં હતા. આ દરમિયાન શખ્સોથી બચવાની કોશિશમાં યુવતીનું અકસ્માતમાં મૃત્યું થઇ ગયું.
યુપીના બુલંદશહરમાં યુવતીની છેડતી
છેડતી દરમિયાન અકસ્માતમાં યુવતીનું મૃત્યુ
રસ્તામાં બાઇકસવાર શખ્સોએ સુદીક્ષાની કરી હતી છેડતી
મળતી માહિતી મુજબ અમેરિકાના બોબસન કોલેજથી 3.80 કરોડ રૂપિયાની વધુની સ્કોલરશિપ મેળવનાર સુદીક્ષા ભાટી કોરોનાના કારણે ભારત પરત આવી હતી. ત્યારે દાદરી વિસ્તારની ડેરી સ્કનર ગામની રહેવાસી સુદીક્ષા પોતાના કાકાની સાથે બુલંદશહરમાં રહેતા મામાને મળવા જઈ રહી હતી. રસ્તામાં તેની સ્કૂટીને એક બુલેટ ચાલકે ટક્કર મારી હતી. જેથી તે નીચે પટકાઈ હતી અને ગંભીર ઈજાઓના પગલે મોત નીપજ્યું હતું.
સુદીક્ષા ભાટીના પરિવાજનોએ કહ્યું કે 20 ઓગસ્ટે અમેરિકા પરત જવાનું હતું. કોરોના સંક્રમણના કારણે તે જૂનના પહેલા સપ્તાહમાં અમેરિકાથી ભારત આવી હતી. સોમવારથી સવારે પોતાના મામાને મળવા માટે કાકા સતેન્દ્ર ભાટી સાથે સિકંદરાબાદ જઈ રહી હતી.
નેશનલ હાઈવે ઉપર ઔરંગાબાદ ગામ પાસે એક બુલેટ સવારે તેમની સ્કૂટીને ટક્કર મારી હતી. સુદીક્ષા અને સતેન્દ્ર રસ્તા ઉપર પટકાયા હતા. આ ઘટનામાં સુદીક્ષાનું મોત થયું હતું જ્યારે સતેન્દ્ર ભાટીને ગંભીર ઈજાઓ પહોંચી હતી.