મધ્યપ્રદેશની રાજધાની ભોપાલમાં યુવતીએ તેના બોયફ્રેન્ડ અને તેના પિતા વિરુદ્ધ દુષ્કર્મનો કેસ નોંધાવ્યો છે.પોલીસે બંને પિતા-પુત્ર વિરૂધ્ધ ગુનો નોંધી તપાસ હાથ ધરી છે.
મધ્યપ્રદેશની રાજધાની ભોપાલનો બનાવ
યુવતીએ યુવક અને તેના પિતા વિરૂધ્ધ નોંધાવ્યો દુષ્કર્મનો કેસ
પોલીસે બંને પિતા પુત્ર વિરૂધ્ધ ગુનો નોંધ તપાસ હાથ ધરી
મધ્યપ્રદેશની રાજધાની ભોપાલમાં એક યુવતીએ તેના બોયફ્રેન્ડ અને તેના પિતા વિરુદ્ધ દુષ્કર્મનો કેસ નોંધાવ્યો છે. યુવતીનો આરોપ છે કે યુવકે પહેલા લગ્નના બહાને તેની સાથે બળાત્કાર કર્યો અને પછી તેના પિતાએ પણ તેને લગ્ન કરવાનું કહીને તેની સાથે શારીરિક સંબંધ બાંધ્યા. પોલીસે આ મામલે તપાસ શરૂ કરી છે. આ ઘટના નિશાતપુરા પોલીસ સ્ટેશન વિસ્તારની છે.
નિશતપુરા પોલીસ સ્ટેશનના ઈન્ચાર્જના જણાવ્યા અનુસાર પીડિત યુવતીએ પોલીસ સ્ટેશન આવીને નિવેદન આપ્યું છે કે તે છોલા વિસ્તારમાં કોસ્મેટિકની દુકાનમાં કામ કરે છે. અહીં જ તેની સાથે કામ કરતા યુવક સાથે તેની મિત્રતા થઈ અને બાદમાં પ્રેમ થઈ ગયો.
યુવતિએ લગ્ન માટે દબાણ કરતા વચન આપ્યું હતું
યુવતીનો આરોપ છે કે યુવકે તેને લગ્નનું વચન આપ્યું હતું. આ પછી, દુકાનની ઉપર બનેલા વેરહાઉસમાં અને જુદી-જુદી હોટલમાં આરોપી યુવકે તેને ઘણી વખત બોલાવીને સંબંધ બાંધ્યો હતો, પરંતુ યુવતીએ તેના પર લગ્ન માટે દબાણ કરતાં તેણે વચન આપ્યું હતું.
પ્રેમી અને તેના પિતા વિરુદ્ધ દુષ્કર્મનો કેસ નોંધ્યો
યુવતીએ બંને સામે પોલીસમાં જવાનું કહેતાં તેઓએ યુવતીને ઘરમાં રાખી હતી, પરંતુ તેના લગ્ન કરાવ્યા ન હતા. જોકે, થોડા દિવસ તેને ઘરમાં રાખ્યા બાદ તેને ઘરમાંથી કાઢી મુકી હતી. જે બાદ પીડિતા પોલીસ સ્ટેશન આવી અને તેણે પ્રેમી અને તેના પિતા વિરુદ્ધ દુષ્કર્મનો કેસ નોંધ્યો. ત્યારે પ્રેમીના પિતાએ પણ તેના પર બે વખત બળાત્કાર ગુજાર્યો હતો
પોલીસે બંને આરોપીઓની શોધખોળ હાથ ધરી
પોલીસના જણાવ્યા અનુસાર, પીડિતાના નિવેદનના આધારે, બોયફ્રેન્ડ અને તેના પિતા વિરુદ્ધ IPCની કલમ 376, 376(m) અને 34 હેઠળ કેસ નોંધવામાં આવ્યો છે. સાથે જ બંને આરોપીઓની શોધખોળ શરૂ કરી દેવામાં આવી છે.