અમેરિકામાં રહેતી એક મહિલાએ પોતાના બોયફ્રેન્ડ સાથે બ્રેકઅપ થયાની કિંમત પોતાનો જીવ આપીને ચૂકવી. આરોપીએ મહિલાને પહેલા ખૂબ મારી. પછી હાથ પગ બાંધી તેને જીવતી સૂટકેસમાં બંધ કરી દીધી. ગુમ થયાના ઘણાં દિવસો બાદ મહિલાનો મૃતદેહ તેના ઘરની થોડે દૂરથી મળ્યો હતો.
બ્રેકઅપ થતાં બોયફ્રેન્ડે મહિલાની કરી નાખી હત્યા
મહિલાની લાશને સૂટકેસમાં બંધ કરી દીધી
થોડા દિવસો બાદ મહિલાનો મૃતદેહ થોડે દૂરથી મળ્યો
પ્રેમમાં બદલાઈ ઓનલાઈન મિત્રતા
મહિલાનો બોયફ્રેન્ડ ક્યારેય પોલીસના હાથમાં આવ્યો ના હોત. પરંતુ તેની એક ભૂલના કારણે તેને જેલહવાલે કરી દીધો. એક વેબસાઈટના રિપોર્ટ મુજબ, 24 વર્ષીય વેલેરી રેયેસ ન્યુયોર્કના એક બુક સ્ટોરમાં કામ કરતી હતી. જાન્યુઆરી 2018માં જેવિયર સિલ્વા રોજસ નામના શખ્સે તેની ઓનલાઈન મુલાકાત લીધી. જેવિયરની પાસે વેનેઝુએલા અને પુર્તગાલની નાગરિકતા હતી. ટૂંક સમયમાં તેઓ એકબીજાની નજીક આવ્યાં અને ઓનલાઈન મિત્રતા સાચા પ્રેમમાં પરિણમી.
થોડા સમય બાદ થયુ બ્રેકઅપ
થોડા સમય સુધી બધુ સારું ચાલતુ હતુ. પછી વેલેરીને અહેસાસ થયો કે જે જેવિયરને તે પરફેક્ટ મેચ સમજી રહી છે, તે તેનાથી ખૂબ અલગ છે. ત્યારબાદ વેલેરીએ જેવિયરની સાથે પોતાનો સંબંધ સમાપ્ત કરી નાખ્યો. જોકે, આરોપી આ માટે તૈયાર ન હતો. તે વેલેરીને અવાર-નવાર સંપર્ક કરવાનો પ્રયાસ કરતો હતો. પરંતુ વેલેરી જેવિયરને નજર અંદાજ કરતી હતી.
અચાનક ગુમ થઇ ગઇ Valerie
30 સપ્ટેમ્બર 2019ના રોજ અચાનક વૈલેરી રેયેસ ક્યાક ગુમ થઇ ગઇ. તેની માતાએ વૈલેરીને દરેક સ્થળે શોધી. પરંતુ સફળતા ના મળી. ત્યારબાદ તેની માતાએ પોલીસમાં ફરીયાદ નોંધાવી. હજી તો પોલીસ તપાસ શરૂ થાય તેની પહેલાં રસ્તાની એકબાજુએ સૂટકેસ મળી. જેમાં વૈલેરીની લાશ હતી. તેના હાથ પગ બાંધેલા હતા અને મોંઢા પર ટેપ મારી હતી. પહેલા એવુ માનવામાં આવતુ હતુ કે વેલેરીની હત્યા બાદ તેની લાશ સૂટકેસમાં બંધ કરી ડમ્પ કરી હશે. જોકે, પોસ્ટમોર્ટમ રિપોર્ટમાં ખુલાસો થયો છે કે મહિલાનુ મોત ગુંગળામણના કારણે થયુ છે. એટલેકે વૈલેરીને જીવતી સૂટકેસમાં બંધ કરી દીધી હતી.