એક આયરલેન્ડની મહિલા જયારે ઊંઘી જાય ત્યારે ઊંઘમાં તેનો બોયફ્રેન્ડ તેની ઉપર બળાત્કાર કરતો હતો. આ મુદ્દે કોર્ટમાં કેસ થતા અદાલતે તેને 1 મિલિયન યુરો એટલે કે આશરે 7.8 કરોડનું તોતિંગ વળતર ચુકવવાનો આદેશ આપ્યો. આ વળતર મહિલા ઉપર થયેલા શારીરિક અને માનસિક ત્રાસની સામેના વળતર સ્વરૂપે હતું.
નિયામ ની ડોમનેઇલ નામની ડબ્લિન શહેરમાં રહેતી મહિલા તેના નોર્વેના બોયફ્રેન્ડ મેગ્નસ મેયર હસ્ટવેઈટ વડે જાતીય રીતે પીડિત હતી.
પીડિતાના મતે તેનું સ્વપ્ન શિક્ષણ બનવાનું હતું પણ તેના બોયફ્રેન્ડની આ હરકતને કારણે તે તેના પોતાના માતા પિતા ઉપર પણ ભરોસો નથી કરી શકતી અને દરેક સ્થળે અસુરક્ષિત મહેસુસ કરતી.
આ ઘટનાથી તે એટલી આતંકિત હતી કે એક સમયે તેણે ઘણી બધી ગોળીઓ ગળીને જીવન ટૂંકાવાનો પણ પ્રયત્ન કર્યો હતો.
આ ઘટના 2011-2012માં નોંધાઈ હતી. આ સમયે આ યુગલ 20 વર્ષની ઉંમરના દાયકામાં હતું.
આ ઘટના માટે મેગ્નસ મેયર હસ્ટવેઈટને ફક્ત તોતિંગ દંડ જ નહિ 15 વર્ષની કેદની સજા પણ થઇ હતી. સામાન્ય રીતે બળાત્કાર જેવા ગુનાઓ માટે આ સજા વધુ વર્ષની હોય છે પણ મેગ્નસ મેયર હસ્ટવેઈટની નોર્વેમાં સારા નાગરિક તરીકેની વર્તણુકને ધ્યાને લેતા તેની સજા ઓછી કરવામાં આવી હતી.
2011માં આ યુગલ શારીરિક સંબંધોમાં જોડાયું અને તેઓ એક એપાર્ટમેન્ટમાં રહેવા માંડયા. 2012ના એપ્રિલ મહિનામાં નિયામ ની ડોમનેઇલે તેના બોયફ્રેન્ડ સાથે બ્રેક અપ કરી દીધું જયારે તેના બોયફ્રેન્ડે સ્વીકારી લીધું કે તેણે વારંવાર ઊંઘમાં નિયામ ની ડોમનેઇલ ઉપર બળાત્કાર ગુજાર્યો હતો.
હાલ નિયામ ની ડોમનેઇલ લંડનમાં સાઇકોલોજીનો અભ્યાસ કરે છે.