OMG / મોતનો મલાજો ન જાળવ્યો! ગર્લફ્રેન્ડને પપ્પાના અંતિમ સંસ્કાર દરમિયાન કરી દીધું પ્રપોઝ, Video જોઈ લોકોએ તતડાવ્યો

• પિતાની અંતિમ વિધિમાં કર્યુ પ્રપોઝ
• માતમમાં પણ શાંતિ નથી આ આશિકને
• સાઉથ આફ્રિકામાં આશિકે કર્યુ પ્રપોઝ

એક વ્યક્તિને અંતિમ વિધિમાં આશિકી સૂજી અને મૃતકની દીકરીને પ્રપોઝ કરવા માટે ઘૂંટણિયે બેસી ગયો અને તેની ગર્લફ્રેન્ડ રડી રહી હતી. પરંતુ બોયફ્રેન્ડને ખાલી રિંગ પહેરાવવાની પડી હતી.

એક વ્યક્તિએ અંતિમ વિધિમાં કર્યુ પ્રપોઝ

કોઈને પ્રપોઝ કરવા માટે લોકો સારો પ્લાન બનાવે છે અને ઘણા લોકો એવુ કરે છે કે તેનો પાર્ટનર સરપ્રાઇઝ થઇ જાય. પરંતુ આ શખ્સે ખરેખર પ્રપોઝ કરવા માટે ખૂબ ખરાબ સમય પસંદ કર્યો. એક દક્ષિણ આફ્રિકી પાદરીએ તેની ગર્લફ્રેન્ડને તેના પિતાની અંતિમ વિધિમાં પ્રપોઝ કર્યુ. એમ. મોજેલા દ્વારા ટિકટોક પર શેર કરવામાં આવેલા એક વીડિયોમાં આ શખ્સ ઘૂંટણિયે બેસીને પ્રપોઝ કરી રહ્યો છે. કારણકે આ વ્યક્તિએ દક્ષિણ આફ્રિકાના લીમ્પોપો પ્રાંતમાં અંતિમ વિધિ કરતી વખતે રડતી ગર્લફ્રેન્ડને લગ્ન કરવા માટે પૂછ્યું.     

સોશિયલ મીડિયામાં વીડિયો ક્લિપ થઇ વાઇરલ

વીડિયો ક્લિપના કેપ્શનમાં લખ્યું છે,' મૃતકની દીકરીને તેની અંતિમ વિધિના સમયે પ્રપોઝ કરી અને આંસુ લૂછ્યા.' ક્લિપના બેકગ્રાઉન્ડમાં યુવતીના પિતાની શબપેટી દેખાય છે. ક્લીસિયાના પાદરીએ સંજોગોને બિલકુલ ધ્યાનમાં રાખ્યા વગર તેની ગર્લફ્રેંડને રિંગ પહેરાવી દીધી અને આંગળીમાં એક અંગૂઠી નાખવા લાગ્યો. ઘણા યુઝર્સે આ વીડિયોને જોયા બાદ પ્રતિક્રિયા આપી. એક યુઝર્સે કહ્યું, 'અહીં આ ખોટું છે. આને તમે કોઈ પણ રીતે સાચુ ના ઠેરવી શકો. મને એવું લાગે છે તેણે અંતિમ વિધિ થાય ત્યાં સુધી રાહ જોવાની હતી. જ્યારે તમે આટલા ઉંડા દુ:ખમાં હોય ત્યારે તમે કેવીરીતે ખુશ રહી શકો છો.