તમે પ્રેમમાં વિશ્વાસઘાતના ઘણા કિસ્સા સાંભળ્યા હશે. અવાર-નવાર આપણી આસપાસ એવુ સાંભળવા મળે છે કે એક યુવતીએ યુવકને પ્રેમમાં ઉલ્લુ બનાવ્યો છે અથવા યુવક યુવતીને પ્રેમના જાળમાં ફસાવીને મૂર્ખ બનાવી રહી છે. આજે અમે તમને એક એવી બેવફા યુવતી અંગે જણાવીશું. જેની બેવફાઈના કિસ્સા સાંભળીને તમારું લોહી ઉકળી જશે.
એક યુવતીએ પ્રેમમાં યુવકને આપ્યો વિશ્વાસઘાત
યુવતીની માતાને બચાવવા યુવકે આપી દીધી કિડની
તક મળતા જ યુવતીએ બીજા યુવક સાથે કરી લીધા લગ્ન
ગર્લફ્રેન્ડની માંને બચાવવા માટે આપી કિડની
આ કહાની છે કેલિફોર્નિયાના એક યુવકની. આ યુવક યુવતીના પ્રેમમાં એટલો બધો પાગલ હતો કે યુવતી માટે કશું પણ કરવા તૈયાર હતો. આ યુવતી માટે યુવકે પોતાના જીવની પણ પરવાહ ના કરી. બસ, આ યુવક ગમે તે રીતે આ યુવતીને પામવા માંગતો હતો. ત્યાં સુધી કે યુવકે યુવતીની માતાને બચાવવા માટે પોતાની કિડની પણ દાન કરી દીધી. પરંતુ યુવતી એટલી દગાખોર હતી કે તક મળતા જ યુવકને છોડીને જતી રહી અને બીજા સાથે લગ્ન કરી લીધા.
યુવકે સોશિયલ મીડિયામાં કહાની કરી શેર
મીડિયા રિપોર્ટ મુજબ, યુવકનું નામ ઉજિએલ માર્ટિનેજ છે. યુવકે સોશિયલ મીડિયામાં પોતાની કહાની શેર કરી જણાવ્યું કે તે પોતાની ગર્લફ્રેન્ડને પોતાના જીવથી પણ વધુ પ્રેમ કરતો હતો. પોતાની ગર્લફ્રેન્ડને ખુશ રાખવા માટે તે દરેક શક્ય પ્રયાસ કરતો હતો. જ્યારે ગર્લફ્રેન્ડની માતા બિમાર થઈ તો તેને બચાવવા માટે તેણે પોતાની એક કિડની તેની માતાને દાનમાં આપી દીધી. પરંતુ ત્યારબાદ પણ તેની ગર્લફ્રેન્ડે તેની સાથે વિશ્વાસઘાત કર્યો.
તક મળતા જ ગર્લફ્રેન્ડે બીજા સાથે કરી લીધા લગ્ન
યુવકે જણાવ્યું કે કિડની આપ્યા બાદ ગર્લફ્રેન્ડની માતાનું ઓપરેશન થયુ અને તે ધીરે-ધીરે સાજી થવા લાગી. પરંતુ આ ઘટનાના ફક્ત એક મહિના બાદ યુવતીએ તેની સાથે સંબંધ તોડી નાખ્યો. યુવકે જણાવ્યું કે યુવતીને તક મળતા બીજા સાથે લગ્ન કરી નાખ્યાં. યુવકે આ કહાની જણાવતા ટિકટોક પર એક વીડિયો શેર કર્યો છે.