ઔરંગાબાદની સદગર હોસ્પિટલમાં પ્રેમિકાને મળવા પ્રેમી પહોંચી ગયો લેડીઝ ટોયલેટ. પછી મહિલા સફાઇકર્મીએ જોઇ જતા આઇ જ બની
વેલેન્ટાઇન વીકની ચોંકાવનારી ઘટના
પ્રેમિકાને મળવા લેડીઝ ટોયલેટમાં ઘુસ્યો પ્રેમી
હોસ્પિટલની સફાઇ કર્મી જોઇ જતા પોલ પકડાઇ
કહેવાય છે કે પ્રેમ આંધળો હોય છે. પ્રેમમાં પાગલ પ્રેમીઓને કોઇની ચિંતા હોતી નથી. તેઓ બસ એકબીજા માટે કંઇ પણ કરી છૂટવા તૈયાર હોય છે. અને હાલમાં તો વેલેન્ટાઇન વીક ચાલી રહ્યું છે. ત્યારે એક એવી ઘટના સામે આવી છે જે જોઇને ચોક્કસથી નવાઇ લાગે. પ્રેમી પોતાની પ્રેમિકાને મળવા માટે એટલી હદે પાગલ થઇ ગયો કે તેને કોઇ જગ્યા ન મળી તો હોસ્પિટલના લેડીઝ ટોયલેટમાં ઘુસી ગયો. છેને નવાઇની વાત, શું છે સમગ્ર ઘટના જાણીએ વિગત વાર..
પ્રેમિકાને મળવા લેડીઝ ટોયલેટમાં ઘુસ્યો પ્રેમી
આ ચોંકાવનારો કિસ્સો ઔરંગાબાદની સદર હોસ્પિટલનો છે. કહેવામાં આવી રહ્યું છે આરોપી શખ્સે પ્રેમિકાને મળવા માટે છેક હોસ્પિટલના મહિલા વોર્ડના ટોયલેટમાં ઘુસી ગયો. જો કે એ એક મહિલા સફાઇ કર્મીએ બંનેને ટોયલેટમાં બંધ થતા જોઇ લીધા હતા. જે બાદ મહિલા સફાઇ કર્મીઓજોર જોરથી દરવાજો ખખડાવ્યો પરંતુ દરવાજો અંદરથી કોઇએ ખોલ્યો જ નહી . હોસ્પિટલમાં જોત જોતામાં ભીડ ભેગી થઇ ગઇ આથી ડરી ગયેલો આરોપી પ્રેમી તો ટોયલેટની બહાર ગમે તેમ નીકળી ગયો. તે બહાર જતા પ્રેમિકાએ ટોયલેટનો દરવાજો ખોલ્યો.
આખરે ઝડપાઇ ગયો પ્રેમી
જો કે ટોયલેટ કૂદીને ભાગી ગયેલો પ્રેમી આખરે ઝડપાઇ ગયો. હોસ્પિટલના પરિસરમાં પૂછપરછ કરવામાં આવતા પ્રેમીએ પહેલા પોતાને જિલ્લાના ધારાસભ્યના પીએનો ભત્રીજો ગણાવ્યો હતો. પરંતુ તેનું જૂઠ પકડાઈ ગયું, પછી તેણે તેની ગર્લફ્રેન્ડને તેની પત્ની ગણાવી હતી. જો કે પરિવારના સભ્યોને બોલાવવાનું કહેતા આ જૂઠ પરથી પણ પરદો ઉઠી ગયો. જો કે આ દરમિયાન બંનેની અસહજ સ્થિતિ જોતા બંનેને છોડીદેવામાં આવ્યા. તેઓને સૂચના અને સલાહ આપીને છોડી મુકાયા હતા..