જામજોધપુરના ધ્રાફાના ગ્રામજનોએ ન કર્યું વોટિંગ, મહિલાઓ માટે અલગ બૂથ ઊભું ન કરાતાં ગ્રામજનોએ ચૂંટણીનો કર્યો બહિષ્કાર
જામજોધપુરના ધ્રાફામાં મતદાનનો બહિષ્કાર
ગામના એક પણ નાગરિકે ન આપ્યો વોટ
ચૂંટણી બહિષ્કારનું કારણ સામે આવ્યું
ગુજરાત વિધાનસભાની ચૂંટણીના પ્રથમ તબક્કામાં મતદાન થઈ ચૂક્યું છે અને બીજા તબક્કાનો મતદાન પાંચ ડિસેમ્બરે થવાનો છે. પ્રથમ તબક્કામાં અપેક્ષા કરતાં ઓછા મતદા થતાં અનેક રાજકીય પક્ષોની ચિંતા વધારી દીધી છે. દાવો કરવામાં આવી રહ્યો છે કે એકતરફી ચૂંટણી થવાને કારણે આવું થયું છે. સત્તાધારી પક્ષ તરફથી વડાપ્રધાન નરેન્દ્ર મોદી, કેન્દ્રીય ગૃહમંત્રી અમિત શાહ અને અન્ય નેતાઓ જોરશોરથી પ્રચાર કરતા રહ્યા છે. પ્રથમ ચરણમાં મતદાન પૂર્ણ થયું પરંતુ એક મતદાન મથક એવું પણ છે કે જ્યાં એક પણ મત નથી પડ્યો.
જામજોધપુરના ધ્રાફામાં મતદાનનો બહિષ્કાર
પ્રથમ ચરણમાં મતદાન પૂર્ણ થયું પરંતુ એક મતદાન મથક એવું પણ છે કે જ્યાં એક પણ મત નથી પડ્યો. વિધાનસભાના પ્રથમ તબક્કામાં જામનગર જિલ્લાના જામજોધપુર તાલુકાના ધ્રાફા ગામમાં લોકશાહી પર્વની નારાજગી જોવા મળી. જામનગર જિલ્લાના જામજોધપુર 80 મત વિસ્તારના ધ્રાફા ગામે મતદાનનો બહિષ્કાર કરવામાં આવ્યો હતો. ધ્રાફા ગામે વર્ષોથી મહિલાઓ માટે અલગ મતદાન મથક બનાવવામાં આવતું હતું પરંતુ આ વખતે મહિલાઓનું અલગ મતદાન મથક તૈયાર ન કારાતા ગામના લોકોએ મતદાનથી અળગા રહી મતદાનનો બહિષ્કાર કર્યો હતો.
મહિલાઓ માટે અલગ બૂથ ઊભું ન કરાતાં વિરોધ
જામજોધપુરના ધ્રાફા ગામે ચૂંટણીનો બહિષ્કારનું કારણ આવ્યું સામે આવ્યું છે. મહિલાઓ માટે અલગથી મતદાન મથક ન બનતાં ગ્રામલોકોએ ચૂંટણીનો બહિષ્કાર કર્યો હતો. વર્ષોથી ધ્રાફામાં મહિલાઓ માટે અલગથી મતદાન મથક બનાવવામાં આવે છે પરંતું આ વર્ષે મતદાન મથક ન બનાવતાં ગ્રામલોકોએ ચૂંટણીનો બહિષ્કાર કર્યો હતો. 1 ડિસેમ્બરે પ્રથમ તબક્કાના મતદાનમાં ધ્રાફા ગામમાં એક પણ વોટ મ હતો પડ્યો.
61 ટકા મતદાન
ગુજરાત વિધાનસભાની 89 બેઠકો માટે ગુરુવારે યોજાયેલા પ્રથમ તબક્કાના મતદાનમાં કુલ 61 ટકા મતદાન નોંધાયું છે. 2017ની ચૂંટણીની સરખામણીમાં આ આંકડો ઘણો ઓછો છે. 2017માં અહીં 68 ટકા મતદાન થયું હતું.