વિમલ પાન મસાલાની જાહેરાતને લઈને વિવાદમાં અક્ષય કુમારે માફી માગવી પડી છે. ત્યારે હવે એક નવો વિવાદ સોશિયલ મીડિયા પર ટ્રેંડ થઈ રહ્યો છે.
બોલિવૂડ કલાકારો ફરી વિવાદમાં આવ્યા
અક્ષય કુમાર બાદ કરીના કપૂર પર હોબાળો મચ્યો
ગોલ્ડની જાહેરાત બાદ સોશિયલ મીડિયા પર હોબાળો
વિમલ પાન મસાલાની જાહેરાતને લઈને વિવાદમાં અક્ષય કુમારે માફી માગવી પડી છે. ત્યારે હવે એક નવો વિવાદ સોશિયલ મીડિયા પર ટ્રેંડ થઈ રહ્યો છે. કરીના કપૂર માલાબાર ગોલ્ડની પોતાની જાહેરાતને લઈને ચર્ચામાં આવી છે. સોશિયલ મીડિયા પર તેને ટાર્ગેટ કરીને પ્રહારો થઈ રહ્યા છે. આ એડ સામે આવતા જ સોશિયલ મીડિયા પર #No_Bindi_No_Business, #Boycott_MalabarGold ટ્રેંડ કરી રહ્યું છે.
અક્ષય તૃતીયવાળી એડ પર હોબાળો મચ્યો
હુંડઈ અને કિયા મોયર્સ જેવી ઓટો કંપનીઓએ હાલમાં સોશિયલ મીડિયા પર બોયકોટનો સામનો કર્યો હતો. ટાટા ગ્રુપની જ્વેલરી તનિષ્કની પણ એક એડ વિવાદમાં આવી ચુકી છે. ત્યારે હવે આ જ ક્રમમાં માલાબાર ગોલ્ડનું નામ પણ જોડાઈ ગયું છે. સોશિયલ મીડિયા યુઝર્સે વાંધો ઉઠાવી રહ્યા છે કે, કરીના કપૂરના લગ્ન એક મુસ્લિમ પરિવારમાં થયા છે અને તે એક હિન્દુ તહેવારની એડમાં નજર આવી રહી છે. અમુક લોકોએ કરીના કપૂરની આ જાહેરાતને હિન્દુ ધર્મની ભાવનાને ઠેસ પહોંચાડવા સાથે પણ જોડી દીધું છે.