ચીનના બહિષ્કારની વાતો વચ્ચે રાજકોટની સિવીલ હોસ્પિટલમાં લોહીના પરિક્ષણ માટે ચીનથી બે મશીન આવતા વિવાદ સર્જાયો છે. આ અંગે કોંગ્રેસ પત્રકાર પરિષદ યોજીને ખુલાસો માંગ્યો હતો.
રાજકોટ શહેર કોંગ્રેસ દ્વારા પત્રકાર પરિષદ
ચીની મશીન પર હેમાંગ વસાવડાનુ નિવેદન
સિવિલમાં ચીની બનાવટના મશીનો મુકાયા-વસાવડા
ચીનના બહિષ્કારની વાતો વચ્ચે રાજકોટની સિવીલ હોસ્પિટલમાં લોહીના પરિક્ષણ માટે ચીનથી બે મશીન આવતા વિવાદ સર્જાયો છે. જેમાં ભાજપ અને કોંગ્રેસે સામસામા આક્ષેપો પ્રતિઆક્ષેપો શરૂ કર્યા છે. કોંગ્રેસ નેતા હેમાંગ વસાવડાએ કહ્યું કે રાજકોટમાં ચીની બનાવટના મશીનો મૂકાયા છે.
ચીનના મશીન અંગે આરોગ્ય મંત્રીને ખબર પણ નથી
સમગ્ર ગુજરાતમાં 17 જેટલા મશીન લેવાયા છે. મેક ઇન ઇન્ડિયા, સ્કિલ ઇન્ડિયાની વાતો બાજુમાં રાખી અને હજુ પણ ચીનથી મશીન લવાઇ રહ્યા છે. હેમાંગ વસાવડાએ કહ્યું કે આ મશીન ભારતમાં પણ બને છે. છતા પણ સરકાર ચીન પાસેથી મશીનની ખરીદી કરે છે. અને ચીનના મશીન અંગે આરોગ્ય મંત્રીને ખબર પણ નથી. હેમાંગ વસાવડાએ કહ્યું કે ચાઇનાથી મશીન ખરીદી કરનાર મંત્રીઓ અને અધિકારીઓને સરકાર દૂર કરે. ત્યા
ભાજપના પ્રદેશ પ્રમુખે રાજકોટમાં કોરોના ફેલાવ્યો
અશોક ડાંગરે કહ્યું કે રાજકોટમાં કોરોનાની સ્થિતિ વણસી છે. અને તેનું કારણ ભાજપના પ્રદેશ પ્રમુખ છે. તેમણે ફરી ફરીને કોરોના ફેલાવ્યો છે.
શું છે મામલો?
રાજકોટમાં 20 લાખની કિંમતના ચાઈનીઝ મશીન મંગાવવામાં આવ્યા છે. એક તરફ ચીનના બહિષ્કારની વાતો કરવામાં આવી રહી છે બીજી તરફ ચાઈનીઝ માલની હજુ પણ એટલી જ બોલબાલા છે. રાજકોટમાં 20 લાખની કિંમતના ચાઈનીઝ મશીન મંગાવવામાં આવ્યા છે.
આ મશીન રાજકોટ આવી પહોંચ્યા છે. બ્લડ રિપોર્ટ માટે ચીનથી મશીનરી મંગાવાઈ છે. ચાઈનીઝ કંપનીના બે મશીન રાજકોટ આવ્યા છે. આ મશીન લોહીમાં રક્તકણો ગણી આપવાનું કામ કરે છે. ત્યારે લોકોમાં ચર્છા વધી છે કે એક બાજુ સરકાર ખુદ ચાઈનીઝ સામાન મંગાવે છે અને બીજી બાજુ સરકાર ચીની સામાનના બહિષ્કારની વાતો કરે છે.