સોશિયલ મીડિયા પર મજૂરના કામનો ખતરનાક વીડિયો વાયરલ થયો છે. વીડિયો જોઈને ભડકેલા યૂઝર્સે કોન્ટ્રાક્ટર સામે કેસ કરવાનું જણાવ્યું હતું.
સોશિયલ મીડિયા પર મજૂરના કામનો ખતરનાક વીડિયો વાયરલ
બની રહેલા ઉંચા મકાનની ધાર પર બેસીનું કર્યું કામ
લાકડાની પાતળી પટ્ટી પર બેસીને નીચેથી સામાન લીધો
જરા ચૂક કે સીધા નીચે
મજૂરો પેટ ભરવા જીવનું જોખમ ખેડીને પણ કામ કરતા હોય છે અને તેમના આવા કામની કદર કરવી જોઈએ. પોતાના પરિવારની રોજીરોટી માટે મજૂરોને મોતનો પણ ડર લાગતો નથી. સોશિયલ મીડિયા પર આવો એક વીડિયો વાયરલ થયો છે.
ઊંચાઈનો ડર લાગતો તો ન જોતા વીડિયો
જો તમે ઊંચાઈથી ડરો છો, તો આ વીડિયો જોતા પહેલા અમે તમને ચેતવણી આપી રહ્યા છીએ. એક નિર્માણાધીન ઈમારતના પાલખ પર જોખમી રીતે બેઠેલા મજૂરની ક્લિપ ઓનલાઇન વાયરલ થઇ છે. ટ્વિટર પર શેર કરવામાં આવેલા આ વીડિયોએ ઈન્ટરનેટ પર યુઝર્સને ગુસ્સે કર્યા છે. લોકો કહે છે કે કેવી રીતે આ મજૂરને આટલી ખતરનાક રીતે બેસીને કામ કરવું પડ્યું. વાયરલ થઇ રહેલા આ વીડિયોને ડૉ.શૌકત શાહે ટ્વિટર પર શેર કર્યો છે. 11 સેકન્ડની આ ક્લિપમાં એક મજૂરને પાલખની ધાર પર ખતરનાક રીતે બેઠેલો જોઇ શકાય છે. તે કામ કરતી વખતે પણ ધ્રૂજી રહ્યો હતો.
ઓનલાઈન શેર કર્યાં બાદ 5 લાખ વખત જોવાયો
ઓનલાઈન શેર થયા બાદથી આ વીડિયોને લગભગ 5 લાખ વખત જોવામાં આવ્યો છે. જો કે, ટ્વિટર યુઝર્સ આ કેપ્શન સાથે બિલકુલ સહમત થયા ન હતા અને તે વ્યક્તિની કામ કરવાની સ્થિતિને કારણે તેમના ગુસ્સાભર્યા પ્રત્યાઘાતો શેર કર્યા હતા. કેટલાક યુઝર્સે કોન્ટ્રાક્ટર સામે કાયદેસરની કાર્યવાહી કરવાની પણ માંગ કરી હતી.
એક યુઝરે લખ્યું, "તે ત્યાં એક નાની આજીવિકા માટે છે, પ્રશંસા માટે નહીં. તે કાનૂની રક્ષણ માટે હકદાર છે અને તેના એમ્પ્લોયરને તેના જીવનને જોખમમાં મૂકવા બદલ કાનૂની કાર્યવાહીનો સામનો કરવો જોઈએ.