હુમલો / રશિયામાં 'અલ્લાહૂ અકબર' ચીસો પાડતાં 16 વર્ષના છોકરાએ કર્યો હુમલો, પોલીસે મારી દીધી ગોળી

• રશિયામાં એક હુમલાખોરે અલ્લાહૂ અકબર કહીને પોલીસકર્મી પર ચપ્પુ વડે કર્યો હુમલો 
• હુમલો કરનારે પોલીસ સ્ટેશનને આગ લગાવી દેવાનો પ્રયત્ન કર્યો 
• 16 જ વર્ષના આ હુમલાખોરે ધારદાર ચપ્પુથી કર્યો હુમલો 

રશિયામાં પણ હુમલો : 

રશિયામાં મુસ્લિમ બહુમતી વિસ્તારમાં એક હુમલાખોરે અલ્લાહૂ અકબર કહીને પોલીસકર્મી પર હુમલો કરી દીધો. બાદમાં તેને પોલીસે ગોળી મારી દીધી. આ કિશોરે કુક્મોર વિસ્તારમાં એક પોલીસ સ્ટેશનમાં આગ લગાવવાના પ્રયત્ન કર્યા હતા. 16 જ વર્ષના આ હુમલાખોરે પોલીસકર્મીને ખૂબ ઈજાગ્રસ્ત કર્યો જે બાદ તેને ગોળી મારી દેવામાં આવી છે. 

અલ્લાહૂ અકબરની ચીસો પાડી રહ્યો હતો હુમલાખોર 

સ્થાનિક મીડિયા અનુસાર આ વ્યક્તિનું નામ વિટલે છે. રશિયાની તપાસ એજન્સીએ કહ્યું કે તે આ ઘટનાને આતંકવાદની ઘટના માનીને જ વ્યવહાર કરશે અને એક કેસ પણ દાખલ કરવામાં આવ્યો છે. રશિયાની સમાચાર એજન્સીઓ અનુસાર હુમલો કરનાર વ્યક્તિ અલ્લાહુ અકબરના નારા લગાવી રહ્યો હતો અને તેને પોલીસ પર હુમલા દરમિયાન તેને કાફિર ગણાવ્યો. નોંધનીય છે કે ઘટના મુસ્લિમ બહુમતી વિસ્તાર ટટારસ્તાનમાં થઇ છે.  

નોંધનીય છે કે હાલમાં જ ફ્રાંસમાં પણ આ જ પ્રકારના હુમલા કરવામાં આવ્યા છે જેમાં કેટલાય લોકોને મોતને ઘાટ ઉતારી દેવામાં આવ્યા છે. ઈજાગ્રસ્ત પોલીસ અધિકારીને હોસ્પિટલમાં દાખલ કરવામાં આવ્યા છે. રશિયામાં તપાસ કરનારાઓએ આ ઘટનાને આતંકી ઘટના ગણાવીને તપાસ શરુ કરી છે.