યુએસમાં રહેતા એક 9 વર્ષના બાળકને યુટ્યૂબ વીડિયોની મદદથી પોતાના 3 વર્ષના ભાઇનો જીવ બચાવ્યો હતો. ખાસ કરીને ટિમોથી પ્રદેરે યૂટ્યૂબ પર વીડિયો જોઇને હેઇમ્લિચ ટેકનીક (Heimlich Technique) શીખી હતી. જેની મદદથી તેણે પોતાના ભાઇનો જીવ બચાવ્યો હતો. આ ટેકનિકનો ઉપયોગ તેણે ત્યારે કર્યો જ્યારે કોઇ વ્યક્તિના ગળામાં કાંઇ ફસાઇ જાય અને તેને શ્વાસ લેવામાં તકલીફ પડે.
9 વર્ષના બાળકે યૂટ્યૂબની મદદથી બચાવ્યો ભાઇનો જીવ
યૂટ્યૂબના CEOએ બાળકના કર્યા વખાણ
ટિમોથી પ્રેદરે યુટ્યુબ પર આ ટેકનીક જોઇ હતી અને જ્યારે અચાનક કંઈક તેના 3 વર્ષના ભાઈના ગળામાં અટવાઇ ગયું હતું અને તે શ્વાસ લઈ શક્યો ન હતો, ત્યારે ટીમોથી જાણતો હતો કે શું કરવું જોઈએ. યુટ્યુબના સીઈઓ સુસાન વોજસ્કીએ સોમવારે તેના ટ્વિટર હેન્ડલ પર આ બાળકની વાર્તા શેર કરી છે. તેને શેર કરતાં તેમણે લખ્યું, "મહત્વપૂર્ણ રિમાઇન્ડર્સ, યુટ્યુબ પર ખૂબ મૂલ્યવાન વિડિઓઝ, સૂચનાત્મક વિડિઓઝ છે, જેમાંથી એક એ છે કે જો કોઈના ગળામાં કંઇક અટકી જાય તો શું કરવું જોઈએ".
Important reminder that YouTube has lots of valuable short, instructional videos including what to do if someone is choking. https://t.co/IPvV2HnVC3
ત્યારબાદ સોશિયલ મીડિયા પર ઘણા બધા લોકોએ પોતાનું મંતવ્ય આપ્યું હતું. એક યૂઝર્સે લખ્યું કે, આ પ્લેટફોર્મ માટે આભારય તે દરરોજ ઘણા લોકોની મદદ કરે છે. આ તરફ એક વ્યક્તિએ લખ્યું, હાઇસ્કૂલમાં ફસ્ટ એડ ફરજીયાત કરવું જોઇએ