સોશિયલ મીડિયાનો ક્રેઝ યુવાનોમાં એટલો વધી ગયો છે કે યુવાનો પોતાનો જીવ જોખમમાં મુકતા પણ જરા ખચકાતા નથી.આજકાલ યુવાનો TikTokની પાછળ પાગલ થયા છે.. શહેર હોય કે પર્યટક સ્થળ હોય જ્યાં જૂઓ ત્યાં લોકો ટીકટોક પર વીડિયો બનાવતા જ નજરે પડી રહ્યા છે. ત્યારે આવો જ એક વીડિયો વાયરલ થયો છે. જેમાં એક યુવાન નર્મદાની મુખ્ય કેનાલના કિનારે સાઈકલ ચલાવે છે.
બનાસકાંઠામાં TikTok માટે યુવકે જીવ મુક્યો જોખમમાં
યુવકનો સાયકલ ચલાવતો વીડિયો થયો વાયરલ
યુવકે નર્મદાની મુખ્ય કેનાલમાં ચલાવી સાઈકલ
આ યુવાન પોતાનો જીવ જોખમમાં મુકીને થોડાક અંતર સુધી સાઈકલ ચલાવે છે. અને જો આ સાઈકલ લપસી જાય તો મુખ્ય કેનાલના વહેણમાં યુવાન તણાઈ શકે છે.. અને તેનો જીવ પણ જોખમમાં મુકાઈ શકે છે. જોકે આ યુવાને એટલા આગળનું વિચાર્યું જ નથી. આવા એક બે નહીં પણ લાખો યુવાનો છે જે ટીકટોક પાછળ ગાંડા થયા છે. અને ઉંચાઈ હોય કે નદી હોય કે સમુદ્ર હોય તમામ સ્થળોએ
VTV આ વીડિયોની પુષ્ટિ નથી કરતું
યુવાનો પોતાના જીવને જોખમમાં મુકીને સ્ટંટ કરે છે. વાયરલ થયેલો આ વીડિયો બનાસકાંઠાના દિયોદર પાસેથી પસાર થતી નર્મદાની મુખ્ય કેનાલનો છે. જેમાં યુવાન પોતાનો જીવ જોખમમાં મુકી રહ્યા છે. VTV આ વીડિયોની પુષ્ટિ નથી કરતું સાથે જ યુવાનોને આવા સ્ટંટ ન કરવા માટે અપીલ પણ કરે છે.