ચોંકાવનારી વાત એ છે કે રેગિંગ દરમિયાન અન્ય છોકરીઓ ત્યાં હાજર હતી, જેઓ સગીર વિદ્યાર્થીનીને મદદ કરવા અને જાતીય સતામણીનો વિરોધ કરવાને બદલે આનંદથી હસતી જોવા મળી હતી.
ઘટના બાદ 12 વિદ્યાર્થીઓને સ્કૂલમાંથી સસ્પેન્ડ કરી દીધા
મળતી માહિતી મુજબ ઓડિશાની એક સરકારી સ્કૂલમાં રેગિંગની ચોંકાવનારી ઘટના સામે આવી છે. ગંજામ જિલ્લામાં સ્થિત એક કોલેજમાં વિદ્યાર્થીઓના એક જૂથે ફ્રેશરને બળજબરીપૂર્વક એક સગીર છોકરી સાથે ગેરવર્તણુંક કરવા દબાણ કર્યું. આ ઘટનાનો વીડિયો વાયરલ થયા બાદ પોલીસ એક્શનમાં આવી ગઈ હતી અને બે સગીર સહિત પાંચ વિદ્યાર્થીઓને પકડી લીધા હતા. કોલેજ ઓથોરિટીએ પણ આ ઘટનામાં સંડોવાયેલા વિદ્યાર્થીઓ સામે કડક કાર્યવાહી કરી હતી અને 12 વિદ્યાર્થીઓને કોલેજમાંથી સસ્પેન્ડ કરી દીધા હતા. સોશિયલ મીડિયા પર રેગિંગનો એક વીડિયો પણ વાયરલ થઈ રહ્યો છે, જેમાં એક ફ્રેશર સિનિયર્સના દબાણમાં સગીર છોકરી સાથે ગેરવર્તણુંક કરતો જોવા મળે છે.
ફ્રે્શર વિધાર્થીઓએ વિરોધ કરતા માર માર્યો
સગીર યુવતીને ગયા મહિને જ આ સ્કૂલમાં પ્રવેશ આપવામાં આવ્યો હતો. કેટલાક સિનિયર્સ ફ્રેશરને સગીર વિદ્યાર્થીનીને બળજબરીથી ગેરવર્તણુંક કરવા કહે છે. છોકરી આના કારણે પરેશાન થવા લાગે છે અને ઉભી થઈ ચાલવા લાગે છે કે તરત જ એક સિનિયર તેનો હાથ પકડી લે છે. ફ્રેશર પણ સિનિયરનો વિરોધ કરે છે અને તેમ કરવાની ના પાડે છે. પરંતુ એક આરોપીએ ના પાડતા તેને થપ્પડ મારી હતી. જે પછી, સીનિયરના દબાણ હેઠળ, ફ્રેશર સગીર છોકરી સાથે ગેરવર્તણુંક કરવા દબાણ કરે છે. જે સમયે રેગિંગની આ ઘટના બની હતી તે સમયે આસપાસ અન્ય ઘણા વિદ્યાર્થીઓ પણ હાજર હતા. તેમાંથી એકે વીડિયો બનાવીને સોશિયલ મીડિયા પર વાયરલ કરી દીધો. જ્યારે પોલીસને આ ઘટનાની જાણ થઈ ત્યારે તેમણે પાંચ રેગિંગ વિદ્યાર્થીઓને કસ્ટડીમાં લીધા હતા.
આરોપીઓ સામે ગુનો નોંધ્યો
ખડંગાએ જણાવ્યું હતું કે ગુરુવારે મળેલી શિસ્ત સમિતિ અને એન્ટિ-રેગિંગ સેલની બેઠકમાં 12 વિદ્યાર્થીઓને સ્કૂલમાંથી કાઢી મૂકવાનો નિર્ણય લેવામાં આવ્યો હતો. તેમણે વધુમાં જણાવ્યું હતું કે, હકાલપટ્ટીની પ્રક્રિયા શરૂ કરી દેવામાં આવી છે. પોલીસે જણાવ્યું કે ધરપકડ કરાયેલા પાંચ વિદ્યાર્થીઓમાંથી ત્રણની ઉંમર 18 વર્ષથી વધુ છે. જ્યારે બે સગીર છે. તેણે વધુમાં કહ્યું કે આ માત્ર રેગિંગનો મામલો નથી, પરંતુ પીડિતાની જાતીય સતામણીનો મામલો છે. પોલીસે જણાવ્યું કે રેગિંગની કલમો ઉપરાંત, આરોપીઓ સામે પોલીસ પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સ (પોક્સો) એક્ટ અને IT એક્ટની કલમો હેઠળ કેસ નોંધવામાં આવ્યો છે.