રાજ્યનાં મહાનગરોમાં ફૂલેલી ફાલેલી પેઈંગગેસ્ટ એટલેક પીજી સુવિધા સામે હવે સુરક્ષાનાં સવાલો ઊભા થઈ રહ્યાં છે. અમદાવાદનાં નવરંગપુરા વિસ્તારનાં કમલ ફ્લેટમાં ચાલતા એક પીજીના સુરક્ષાનાં છીંડાની જે વિગતો સામે આવી છે તેણે અનેક વાલીઓમાં ચિંતા ઊભી કરી છે. કેમ કે આ ઘટના બાદ એવું લાગે છે કે, અમદાવાદમાં પીજીમાં રહેતી યુવતીઓ હવે સુરક્ષિત નથી. સિક્યુરિટી ટાઈટ હોવાનાં દાવા કરતા આવા ફ્લેટ અને ગર્લ્સ પીજી હોસ્ટેલમાં ધોળા દિવસે કોઈ પણ અજાણ્યાં તત્વો ઘૂસી જાય છે.
બદલાતા સમયમાં છેલ્લાં થોડાંક વર્ષોથી મહાનગરોમાં શરૂ થયેલું પઈંગ ગેસ્ટ સુવિધા કલ્ચર આજે એક મોટું વ્યાવસાયિક વટવૃક્ષ બની ગયું છે. જો કે, શહેરોમાં શરૂ થયેલી આ પેઈંગગેસ્ટ સુવિધા ઘર પરિવારથી દૂર રહેતા હજારો વિદ્યાર્થીઓ અને નોકરિયાતો માટે એક તરફ આશીર્વાદરૂપ બની છે તો બીજી તરફ તેનો લાભ લેતા લોકોની સુરક્ષા રેઢિયાળ હોવાનું સામે આવી રહ્યું છે..ખાસ કરીને પીજીમાં રહેતી યુવતીઓની સુરક્ષાની કોઈ ખાતરી ન હોય તેવા બનાવો સામે આવી રહ્યાં છે. અમદાવાદમાં પીજીમાં રહેતી યુવતી સાથે બનેલા બનાવે અનેક વાલીઓમાં ચિંતા ઊભી કરી છે. તો શા માટે ઊભી થઈ છે આ ચિંતા જોઈએ આ અહેવાલ.
રાજ્યનાં મહાનગરોમાં ફૂલેલી ફાલેલી પેઈંગગેસ્ટ એટલેક પીજી સુવિધા સામે હવે સુરક્ષાનાં સવાલો ઊભા થઈ રહ્યાં છે. અમદાવાદનાં નવરંગપુરા વિસ્તારનાં કમલ ફ્લેટમાં ચાલતા એક પીજીના સુરક્ષાનાં છીંડાની જે વિગતો સામે આવી છે તેણે અનેક વાલીઓમાં ચિંતા ઊભી કરી છે. કેમ કે આ ઘટના બાદ એવું લાગે છે કે, અમદાવાદમાં પીજીમાં રહેતી યુવતીઓ હવે સુરક્ષિત નથી. સિક્યુરિટી ટાઈટ હોવાનાં દાવા કરતા આવા ફ્લેટ અને ગર્લ્સ પીજી હોસ્ટેલમાં ધોળા દિવસે કોઈ પણ અજાણ્યાં તત્વો ઘૂસી જાય છે.
નવરંગપુરા વિસ્તારનાં કમલ ફ્લેટમાં ચાલતા એક ગર્લ્સ પીજીનાં રૂમનાં છે. મોડી રાતે એક વાગ્યાની આસપાસ એક યુવક પીજી હાઉસનો દરવાજો ખોલી અંદર પ્રવેશ્યો હતો. બદઈરાદે ઘરમાં ઘૂસેલા યુવકે હોલમાં સૂતેલી મહિલા સાથે છેડતી કરી હતી. મહિલા ન જાગતા તેની હિંમત ખૂલી ગઈ હતી અને ત્યાં જ તેણે અયોગ્ય હરકત કરવાનું શરૂ કરી દીધુ હતું ત્યાર બાદ તે બે રૂમમાં જે 19 યુવતીઓ સૂતી હતી ત્યાં ગયો હતો. જ્યાં એક યુવતી જાગતી હોવાથી તેને જોઈ ગઈ હતી. જેથી યુવક ત્યાંથી ફરાર થઈ ગયો હતો. યુવતીએ તેનો પીછો પણ કર્યો હતો પરંતુ બાઈક પર તે નાસી ગયો.
ઘટના બાદ પીજીમાં રહેતી તમામ 19 યુવતીઓ અત્યારે ડરી ગઈ છે. પીજીના માલિકે 2 સિક્યુરિટી ગાર્ડ પણ મુક્યાં હોવાનો દાવો કરવામાં આવે છે. જે ફ્લેટમાં આ ઘટના બની હતી તેમાં 4 ફ્લેટમાં કુલ 80 જેટલી યુવતી પીજી તરીકે રહે છે. પીજીમાં રહેતા મોટા ભાગનાં લોકો મોડા આવતા જતાં હોવાંથી દરવાજો લગભગ ખૂલો જ રહેતો હોય છે અને જેનો લાભ લેવાનો આ અજાણ્યા શખ્સને મોકો મળી ગયો. આ ઘટના પ્રકાશમાં આવ્યા બાદ ઘર પરિવારથી દૂર પીજીમાં રહીને નોકરી કે અભ્યાસ કરતી યુવતીઓની સુરક્ષાનો વિષય અનેક વાલીઓ અને ખુદ યુવતીઓ માટે મુંઝવતો પ્રશ્ન બની ગયો છે.
પોતાની દીકરીઓનાં ભવિષ્યનાં ઘડતર માટે અનેક વાલીઓ પોતાની દીકરીઓને શહેરોમાં પીજી સંચાલકના ભરોસે મૂકતા હોય છે. પીજી સંચાલકો પોતાને ત્યાં સીસીટીવી અને 24 કલાક સિક્યુરિટીનાં દાવા કરતાં હોય છે. છતાં આવી ઘટના બની છે. આ ઘટનાએ પીજી સંચાલકો યુવતીઓની સુરક્ષા માટે કેટલા બેદરકાર છે તેની પોલ ખોલી દીધી છે. પીજી સંચાલકો દર મહિનાની પહેલી તારીખે ભાડુ વસૂલવાની જેટલી કાળજી રાખે છે તેટલી કાળજી યુવતીઓની સુરક્ષાવ્યવસ્થા ચકાસવામાં રાખી હોત તો આવી ઘટનાને ટાળી શકાઈ હોત.. આ તો એક યુવતી જાગતી હતી તેનાં કારણે મોટી દુર્ઘટના ટળી. જેનો અર્થ એ છે કે, પીજીમાં યુવતીઓએ જાતે જ પોતાની સુરક્ષા પ્રત્યે સાવધાન રહેવું પડશે. કેમ કે એક મહિલા સુરક્ષાકર્મીથી આવા અસામાજિક તત્વો સામે કામ પાર પાડવું સરળ નથી. તે માટે પીજી સંચાલકોએ નવી વ્યવસ્થા ઊભી કરવી પડશે.
આ ઘટનાએ પીજીમાં રહેતી યુવતીઓની સલામતી અંગે અનેક સવાલો ઊભા કર્યા છે. PGમાં યુવતીઓની સલામતીની જવાબદારી સંચાલકોની નથી? શું માત્ર સીસીટીવી કેમેરાનાં ભરોસે છે યુવતીઓની સુરક્ષા? શું PG રેઢિયાળ સુરક્ષાતંત્ર વચ્ચે રહે છે યુવતીઓ? આ ઘટનાની PGનાં માલિકોએ તે જ દિવસે ફરિયાદ કેમ ન કરી? ફરિયાદ નહી કરીને PGનાં માલિકો શું છૂપાવવા માગતા હતા? શું લુખ્ખાઓથી PGનાં માલિકો ડરી રહ્યાં છે? આ ઘટના બાદ PG સંચાલકો સજાગ રહેશે ખરા? આવાં અનેક સવાલો ઉઠી રહ્યાં છે. કેમ કે આખરે કોઈ પણની દીકરીઓની સલામતીનો આ સવાલ છે.