મુંબઈના એક યુવાને બાઈક પર બે છોકરીઓને બેસાડીને ખતરનાક સ્ટંટ કર્યો હતો જે પછી પોલીસે તેની સામે કેસ દાખલ કર્યો છે.
મુંબઈના યુવાનનું બાઈક પરાક્રમ થયું વાયરલ
બાઈક પર બે છોકરીઓ સાથે કર્યો ખતરનાક સ્ટંટ
એક છોકરીને આગળ બીજીને પાછળ બેસાડીને હવામાં ઉડાવી મૂકી
રોડ પર ખતરનાક સ્ટંટ કરવો જીવલેણ બની શકે છે તેની ખબર હોવા છતાં પણ યુવાનો અટકતા નથી અને અવારનવાર રોડ પર સ્ટંટની ઘટનાઓ સામે આવતી હોય છે. મુંબઈમાં એક છોકરાના 2 છોકરીઓ સાથે બાઈક સ્ટંટનો વીડિયો વાયરલ થયો છે. આ ત્રણેય પ્રેમિ-પ્રેમિકા હોવાનું પણ કહેવાય છે.
dangerous Stunt with 2 pillion rider one in front & one at rear,
no helmet & doing whilly !
they know that Mumbai roads hv became #PotholesFree now...!
— @PotholeWarriors Foundation💙 #RoadSafety🇮🇳🛵🛣 (@PotholeWarriors) March 30, 2023
બે છોકરીઓને બેસાડીને ખતરનાક ડ્રાઈવિંગ
મુંબઈના એક છોકરાએ બાઈક પર એક છોકરીને આગળ બેસાડી અને બીજીની પાછળ બેસાડીને આગળનો ભાગ ઊંચો થઈને દોડતો રહે તેવી રીતે બાઈક ચલાવી હતી.
વાયરલ વીડિયોમાં જોઈ શકાય છે કે, આ શખ્સ બાઈક ચલાવી રહ્યો છે. આગળ અને પાછળ બંને તરફ છોકરીઓ બેઠી છે. ત્રણેયને બાઇક પર ખતરનાક સ્ટન્ટ્સ કરતા જોઇ શકાય છે. પહેલા તો છોકરો ધીમી ગતિએ બાઈક ચલાવી રહ્યો છે. પરંતુ થોડા સમય બાદ તે પોતાની બાઇકની સ્પીડ વધારી દે છે અને હવામાં વ્હીલ ઉંચકીને સ્ટંટ કરતો જોવા મળે છે.
પડતાં પડતાં રહી ગયા તોય મજા ન છોડી
છોકરાનો આ સ્ટંટ એટલો ખતરનાક છે કે પાછળ બેઠેલી છોકરી લગભગ પડવાના આરે પહોંચી જાય છે. પરંતુ બાઇક પડતી નથી. આ દરમિયાન ત્રણેય મજા લઇ રહ્યા છે અને બાઈકને રસ્તા પર ફરતી જોવા મળી રહી છે.
બે છોકરી અને યુવાન સામે ગુનો દાખલ
આ વીડિયો વાયરલ થયા બાદ પોલીસે ત્રણેય સામે ગુનો નોંધ્યો છે. પોલીસે આઈપીસીની કલમ 279 (બેફામ ડ્રાઇવિંગ) અને 336 (જીવનને જોખમમાં મૂકતા કૃત્ય દ્વારા ઇજા પહોંચાડવી) હેઠળ કેસ નોંધ્યો છે. પોલીસ વીડિયોના આધારે આરોપીની શોધખોળ કરી રહી છે.