કોરોના વાયરસના કારણે વિશ્વભરમાં કહેર જોવા મળી રહ્યો છે. કોરોનાકાળમાં કેટલાક દેશોથી હૃદય ચિરાઈ જાય તેવી તસવીરો સામે આવી રહી છે જેમાં લોકો વાયરસના કારણે પોતાના સ્નેહીજનોને મળી શકતા નથી. આવી જ એક તસવીર પેલેસ્ટાઇનથી આવી છે જ્યારે એક દીકરો હોસ્પિટલમાં અંતિમ શ્વાસ લઇ રહેલી માતાની એક ઝલક માટે હોસ્પિટલની બારી પર ચડીને બેઠો છે.
પેલેસ્ટાઇનથી આવી હૃદય ચીરી નાખે તેવી તસવીર
કોરોના સામે અંતિમ શ્વાસ લઇ રહી હતી માતા
માતાની એક ઝલક માટે હોસ્પિટલની બારી પર ચડી જતો દીકરો
સોશ્યલ મીડિયામાં તેની તસવીર ખૂબ વાયરલ થઇ રહી છે. મીડિયાના અહેવાલ અનુસાર આ વ્યક્તિની માતા કોરોનાથી સંક્રમિત હતી અને અંતિમ શ્વાસ લઇ રહી હતી. મીડિયા અહેવાલ અનુસાર આ વ્યક્તિનું નામ જિહાદ અલ સુવૈતી છે. જિહાદની માતા ICUમાં દાખલ હતી અને કોરોના સામે અંતિમ શ્વાસ લઇ રહી હતી. 30 વર્ષનો જિહાદ માતાની એક ઝલક મારે રોજ બારી પર ચડી જતો. બાદમાં તેની માતા કોરોના સામે હારી ગઈ. મોહમ્મદ સાફા નામક હ્યુમન રાઈટ્સ એક્ટિવિસ્ટે તેની તસવીરો શેર કરી છે.
The son of a Palestinian woman who was infected with COVID-19 climbed up to her hospital room to sit and see his mother every night until she passed away. pic.twitter.com/31wCCNYPbs
તેમણે ટ્વિટ કરીને લખ્યું 'પેલેસ્ટાઇનનો આ દીકરો હોસ્પિટલની દીવાલ ચડીને રોજ બારી પર બેસતો જેથી કોરોનાની સારવાર લઇ રહેલી માની એક ઝલક મળી શકે. પરંતુ અફોસોસ
એક રિપોર્ટ અનુસાર કોરોના સંક્રમિત મહિલા લ્યુકેમિયાથી પણ પીડાઈ રહી હતી. પાંચ દિવસ સુધી તેમની સારવાર થઇ પરંતુ ડૉકટર તેમને બચાવી ન શક્યા. લોકલ મીડિયાથી જિહાદે કહ્યું કે 'તેમની અંતિમ ઘડીમાં હું લાચાર થઇને આઈસીયુની બારી પર બેસી માત્ર તેમને નિહાળી રહેતો'. તેમણે જણાવ્યું કે 15 વર્ષની ઉંમરમાં જ પિતા દૂર થઇ ગયા હતા અને હવે મા પણ છોડીને જતી રહી.