મહેસાણા: જાતિવાદનો એક વીડિયો વાયરલ થયો છે. જે બહુચરાજીમાં એક યુવકને માર મારતો વીડિયો છે. 2 યુવક પીડિત યુવકને માર મારી રહ્યા છે. એક પછી એક ડંડા-લાત વરસાવી રહ્યા છે. તો ગડદા પાટુનો માર પણ મારી રહ્યા છે.
એવામાં એક યુવક પીડિત યુવકને હાથ જોડવા કહે છે. પગે પણ લગાડે છે. માર મારનાર બન્ને યુવક રાજપૂત સમાજના હોવાનું સામે આવ્યું છે. જ્યારે માર ખાનાર યુવક દલિત સમાજમાંથી હોવાનું સામે આવ્યું છે.
મળતી માહિતી મુજબ પીડિત યુવક દરબાર જેવા ઠાઠ માઠ કરીને ફરતો હોવાથી બે યુવકે તેને માર માર્યો હતો.
જોકે જ્ઞાતિ પ્રત્યે હડધૂત કરી માર મારવો કેટલો યોગ્ય છે. હાલ તો આ વીડિયો વાયરલ થઈ રહ્યો છે. આ મામલે પીડિત યુવકે ફરિયાદ નોંધાવી છે કે નહીં તે અંગે કોઈ વિગતો મળી નથી. જોકે જ્ઞાતિના નામે મારપીટ કરનારા આવા શખ્સો વિરુદ્ધ કાર્યવાહી કરવી જરૂરી છે.