રશિયાના હુમલા બાદ યુક્રેનમાંથી કેટલાય લોકો પાડોશી દેશો તરફ પલાયન કરી રહ્યા છે. અફરાતફરીનો માહોલ છે. આ તમામની વચ્ચે એક 11 વર્ષિય બાળકની પણ કહાની પણ સામે આવી છે.
રશિયા અને યુક્રેન વચ્ચે ચાલી રહ્યો છે જંગ
લાખો લોકો પલાયન કરી યુક્રેન છોડ્યું
એક બાળકની સાહસ કથા
રશિયા અને યુક્રેનના જંગ વચ્ચે એક 11 વર્ષિય યુક્રેની છોકરો 1000 કિલોમીટરનું અંતર કાપીને એકલો સ્લોવાકિયા પહોંચી ગયો હતો. આ મુસાફરીમાં તેની સાથે બૈકપૈક, માતાનો મેસેજ અને હાથમાં લખેલો ટેલીફોન નંબર હતો. જંગની વચ્ચે 11 વર્ષનો બાળકે એકલા મુસાફરી કરીને સાહસનું ઉત્તમ ઉદાહરણ પુરૂ પાડ્યું છે.
આ છોકરો દક્ષિણ પૂર્વી યુક્રેનના જાપોરિજ્જિયાનો રહેવાસી છે. જ્યાં ગત અઠવાડીયે રશિયાની સેનાએ એક વિજળી પ્લાન્ટ પર કબ્જો કર્યો હતો. રિપોર્ટ્સમાં જણાવ્યા અનુસાર એક બિમાર સંબંધીની દેખરેખ રાખવા માટે બાળકના માતા-પિતાને યુક્રેનમાં જ રહેવું પડ્યું. ત્યારે આવા સમયે તેણે તેને એકલા યુક્રેનથી બહાર નિકળવા જવા સલાહ આપી હતી.
હકીકતમાં જોઈએ કો, એક મુશ્કેલ મુસાફરી પુરી કરીને આવ્યા બાદ આ છોકરો જ્યારે સ્લોવાકિયા બોર્ડર પર પહોંચ્યો તો, તેણે પોતાનું મંદ મંદ હાસ્ય અને નિડરતા તથા દ્રઢ સંકલ્પથી અધિકારીઓનું પણ દિલ જીતી લીધું. સ્લોવાકિયાના ગ-હમંત્રાલય તરફથી ફેસબુક પોસ્ટમાં આ બાળકને ગત રાતે સૌથી મોટો નાયક કહેવામાં આવ્યો હતો.
માતાએ સ્લોવાકિયામાં સંબંધીઓ પાસે બાળકને મોકલ્યો
રિપોર્ટ્સમાં જણાવ્યા અનુસાર 11 વર્ષના આ છોકરાની માતાએ તેના સંબંધીઓ પાસે ટ્રેનમાં રવાના કર્યો હતો. બાળકની પાસે પ્લાસ્ટિકની એક બૈગ, એક પાસપોર્ટ અને કાગળમાં લખેલો એક મેસેજ હતો.
છોકરો જ્યારે પાસપોર્ટમાં રાખેલા કાગળ અને હાથમાં લખેલો ફોન નંબર લઈને સ્લોવાકિયા પહોંચ્યો, તો સરહદ પર અધિકારીઓને સમગ્ર જાણકારી લેતા તેના સંબંધીઓની શોધ કરી. આખરે અધિકારીઓને રાજધાની બ્રાતિસ્લાવામાં તેના સંબંધીઓનો સંપર્ક થયો અને બાળકોને તેમને સોંપી દેવામાં આવ્યો.
માતાએ સ્લોવાકિયાની સરકારનો આભાર માન્યો
રિપોર્ટ્સમાં જણાવ્યા અનુસાર છોકરાના માતાએ સ્લોવાક સરકાર અને પોલીસને બાળકની દેખરેખ કરવા માટે આભાર માન્યો હતો અને તેમને એક મેસેજ પણ મોકલ્યો. તો વળી સ્લોવાકિયાના ગૃહમંત્રાલયે ફેસબુક પર લખ્યું. બાળકની સાથે એક પ્લાસ્ટિક બૈગ, પાસપોર્ટ અને હાથમાં ફોન નંબર લખેલો હતો. તે એકલો આવ્યો હતો. કારણ કે, તેના માતા-પિતાને યુક્રેનમાં રહેવું પડ્યું હતું.
પોસ્ટમાં જણાવ્યા અનુસાર વોલેન્ટીયર્સે તેમની દેખરેખ રાખી, તેને એક ગરમ જગ્યા પર લઈ ગયા અને તેનું ખાવાનું તથા પીવા માટે પાણી આપ્યું. તેને બીજા મુસાફરી માટે સામાન પેક કરી લેવા જણાવ્યું.
સ્લોવાકિયાઈ મંત્રાલયના એક અધિકારી દ્વારા પોસ્ટમાં કહેવાયું છે કે, હાથ પર નંબર અને કમરમાં એક કાગળના ટુકડાના કારણે અમને ખૂબ મદદ મળી. અમને તેના સંબંધીઓ સાથે મળવામાં ખૂબ સફળતા મળી અને બધું બરાબર થઈ ગયું તથા બાળક તેના નિર્ધારિત લક્ષ્ય સુધી પહોંચી ગયો.