વિશ્વ કાંસ્ય મેડલ વિજેતા મનીષ કૌશિક (63 કિગ્રા) ટોક્યો ઓલિમ્પિક માટે ક્વોલિફાઇ કરનારા નવમા ભારતીય બોક્સર બન્યા છે. અમ્માનમાં જારી એશિયાઇ ઓલિમ્પિક ક્વોલિફાયરમાં બુધવારે ભારતીય બોક્સરે બૉક્સ ઓફમાં ઓસ્ટ્રેલિયાના હેરિસન ગારસાઇડને માત આપી.
મનીષ કૌશિકે ગારસાઇડને 4-1થી હરાવીને પહેલીવાર ઓલિમ્પિક માટે ક્વોલિફાઇ કર્યું
ભારતીય બોક્સરે બૉક્સ ઓફમાં ઓસ્ટ્રેલિયાના હેરિસન ગારસાઇડને માત આપી
મનીષ કૌશિકે કોમનવેલ્થ ગેમ્સના ચેમ્પિયન ગારસાઇડને 4-1થી હરાવીને પહેલીવાર ઓલિમ્પિક માટે ક્વોલિફાઇ કર્યું છે. ભારતીય બોક્સરે શરૂઆતમાં આક્રમક વલણ અપનાવ્યું અને ઓસ્ટ્રેલિયાના પ્રતિદ્વંદ્વી પર મોટા પ્રહાર કર્યા.
આ 2018ના કોમનવેલ્થની ફાઇનલનું પુનરાવર્તન હતું. અંતર એટલું જ કે આ વખતે કૌશિક વિજેતા બન્યા. વર્તમાન ટૂર્નામેન્ટથી 63 કિગ્રા વેઇટ કેટગરીમાં ટોચના 6 બોક્સર ઓલિમ્પિક માટે ક્વોલિફાઇ કરી શકતા હતા. કૌશિક અને ગારસાઇડ બંને ક્વાર્ટર ફાઇનલમાં હારી ગયા હતા.
આ પહેલા ઓલિમ્પિક માટે ક્વોલિફાઇ કરી ચૂકેલા કોમનવેલ્થ ગેમ્સના ચેમ્પિયન વિકાસ કૃષ્ણ (69 કિગ્રા) બુધવારે આંખમાં ઇજાને કારણે એશિયા/ ઓસિયાના બોક્સિંગ ક્વોલિફાયરની ફાઇનલથી બહાર થઇ ગયા, જેથી તેને સિલ્વર મેડલથી સંતોષ કરવો પડ્યો.